Aqmola oblysy Stepnogor qalasynyń mańynda dala órti tutandy, dep habarlaıdy Egemen.kz.
Aqmola oblystyq tótenshe jaǵdaılar departamentiniń baspasóz qyzmeti atap ótkendeı, 6 tamyz kúni saǵat 17.30 kezinde Qarabulaq aýylynyń shetinde qurǵaq shóp órtengen. Qyzyl jalyn shamamen 40 gektar aýmaqty sharpydy.
«Túngi 22.05 kezinde dala órti aýyzdyqtaldy. О́rtti sóndirý odan keıin de biraz ýaqytqa jalǵasty» dep málim etti departamenttiń baspasóz qyzmeti.
Oqıǵa ornynda tótenshe jaǵdaılar departamentiniń kúsh-quraldary, atap aıtqanda 16 qyzmetker men 4 tehnıka jumys istedi.
Sonymen qatar «Stepnogor orman sharýashylyǵy» mekemesinen 6 jumysshy men 2 tehnıka kómekke keldi. Tilsiz jaýdy aýyzdyqtaý úshin jergilikti atqarýshy organdar taǵy 21 adam men 8 tehnıka joldaǵan.
Ormanǵa jáne jaqyn mańdaǵy eldimekenderge eshqandaı qaýip-qater tónip turǵan joq.