Túrkimenstannyń Lebap velaıatynda koronavırýsqa qarsy vaksınasııadan bas tartqan azamattarǵa aıyppul salynady jáne vaksınanyń qunyn tóleıdi, dep habarlaıdy Egemen.kz Ortalyq Azııa jańalyqtar qyzmetine silteme jasap.
О́tken birneshe aıda oblystyq saýyqtyrý úılerinde 75 jastan asqan azamattardy vaksınasııalaý jas sanaty boıynsha jasalǵan kezek negizinde júrgizildi. Sodan beri júzdegen azamat túrli sebeptermen vaksınasııadan bas tartqan, onyń ishinde vaksınanyń janama áseri de bar.
Jergilikti bılik bul azamattardy «jazalaý» sharalaryn kúsheıtti. Memlekettik mekeme basshylyǵy qaramaǵyndaǵylarǵa ekpeden bas tartqandar jumystan shyǵarylatynyn da eskertti.
Densaýlyq úıleriniń otbasylyq dárigerleri de Lebap oblystyq polısııa bólimine ekpeden bas tartqan azamattardyń tizimin tapsyryp jatyr. Bul tizimge sáıkes, ekpeden bas tartqan turǵyndarǵa 113 manat (13 799 teńge) aıyppul salynady.
Basylym jazǵandaı, mindetti vaksınasııadan ótip jatqan azamattar vaksına aqysyn tóleýge mindetti. Medısına qyzmetkerleri vaksınanyń jalpy quny 300 manat (36 635 teńge) ekenin aıtyp otyr.
Ýaqytyly vaksınasııadan bas tartqan zeınetkerlerge de aıyppul salynady, sodan keıin vaksınanyń qunyn tóleı otyryp, kúshtep egiledi.