Londondaǵy áıgili Taýer kópiri dúısenbide tehnıkalyq buzylýǵa baılanysty kóterilgen kúıde qalyp, Temza ózeniniń eki jaǵyndaǵy kólik qozǵalysyna qıyndyq týdyrdy, dep habarlaıdy Egemen.kz Reuters-ke silteme jasap.
London Sıtı aýdany polısııa bólimshesi resmı ókiliniń aıtýynsha, jyljymaly munara kópiri túngi saǵat 2:45-ten keıin ashyq kúıde qalǵan.
1976 jyldan bastap kópirdiń eki bólimi munaı men elektr qýatymen jumys isteıtin generatorlarmen kóterilip, túsirilgen. Osylaısha 19 ǵasyrda shyǵarylǵan bastapqy bý generatorlaryn almastyrǵan eken.
«Qazirgi ýaqytta tehnıkalyq aqaýlarǵa baılanysty munara kópiri kóterilgen qalpynda tur», dedi kópir ıesi City of London korporasııasynyń ókili.
Korporasııa týyndaǵan máseleni tez arada sheshý boıynsha jumys júrgizilip jatqanyn qosty. О́tken jyldyń tamyz aıynda uqsas jaǵdaıǵa baılanysty kópir bir kúnnen astam ýaqytqa jabyldy.