10 tamyz kúni saǵat 07:37 shamasynda ShQO Tótenshe jaǵdaılar departamentine shahardaǵy JShS-lardyń birinde órt shyqqany jaıly habarlama túsken, dep jazady Egemen.kz vedomstvonyń baspasóz qyzmetine silteme jasap.
Jalyn metall óńdeıtin sehten shyqqan.
«Qutqarýshylar oqıǵa ornyna kelgen kezde kıim aýystyratyn bólmedegi aǵash shkaftar janyp jatty. Sondaı-aq sehtyń ishin tútin tumshalap alǵan. О́rt sóndirýshiler kóp uzamaı 30 sharshy metrge jaıylǵan tilsiz jaýdy tolyqtaı aýyzdyqtady.
О́rttiń shyǵý sebebi – elektr jabdyqtarynyń apattyq rejıminen nemese órt qaýipsizdigi talaptarynyń saqtalmaýynan bolýy múmkin», dep habarlady vedomstvo ókilderi.