Búgingi tańda Nur-Sultan qalasynda 74 bala koronavırýs ınfeksııasynan emdelip jatyr, onyń ishinde 7 balanyń jaǵdaıy aýyr. Bul týraly Nur-Sultan qalasy Qoǵamdyq densaýlyq saqtaý basqarmasynyń basshysy Tımýr Muratov málimdedi, dep habarlaıdy Egemen.kz.
«Eresekterden bólek koronavırýs aýrýy balalardyń arasynda da jıi kezedese bastady. Qazirgi tańda elordada 74 bala stasıonarda em qabyldap jatyr, onyń ishinde 7 balanyń jaǵdaıy aýyr. О́tken táýlikte 12 bala aýrýhanaǵa tústi. Odan bólek, 834 bala ambýlatorly túrde em alyp jatyr», dedi Tımýr Muratov OKQ-de onlaın ótken baspasóz máslıhatynda.
Basqarma basshysynyń málimetinshe, elordada jyl basynan beri koronavırýspen 10 myńnan astam bala aýyryp shyqty.
«Ásirese vırýsty juqtyrýshylar jaz mezgilinde ósip otyr. Maýsym aıynan bastap balalar vırýstyń aıqyn klınıkalyq belgilerimen túse bastady. Bul ýlaný, qaltyraý, dene qyzýynyń kóterilýi, kataraldy kórinister de bolýy múmkin. Balalardyń otbasyndaǵy ekpe almaǵan adamdarmen baılanystan soń aýyra bastaǵandyǵyn atap ótkim keledi. Iаǵnı, vaksına almaǵan azamattar vırýsty óz balalary men jaqyndaryna juqtyrady», deıdi ol.