Bul týraly Prezıdent Ákimshiligi basshysynyń birinshi orynbasary Dáýren Abaev «Ashyq dıalog» suhbatynyń kezekti sanynda aıtty, dep jazady Egemen.kz.
«Memleket basshysy Olımpıadaǵa qatysty óz pikirin bildirdi. Olımpıada komandasynyń nátıjesi elimizdiń sporttyq áleýetine sáıkes kelmeıdi. Meniń oıymsha, bul pikirmen bári kelisedi», dedi Abaev suhbat barysynda.
Onyń aıtýyna qaraǵanda, mundaı jaǵdaıda bireýdi jumystan shyǵaryp, qalyptasqan júıeni qaıta qurý arqyly eldiń kóńilin tynyshtandyrýǵa bolady. Biraq ol júıeli kemshilikterdi sheshpeýi múmkin.
«Qazir aldymyzda turǵan mindet – qateliktermen jumys istep, osy saladaǵy barlyq prosesterdi taldaý kerek. Aıtpaqshy, Prezıdent negizgi baǵdardy nusqady. Bul – buqaralyq jáne balalar sportyn damytý. Osy baǵytqa túsýimiz kerek. Iаǵnı, eń bastysy – aýyldarda qaladaǵydaı sporttyq ınfraqurylym qalyptastyryp, múmkindiginshe balalardy tegin sport seksııalaryna kóbirek tartý. Árıne, bilikti jattyqtyrýshylar men nusqaýshylardy daıarlaý qajet», dedi Prezıdent Ákimshiligi basshysynyń birinshi orynbasary.
Sondaı-aq ol Olmpıada qorytyndysy boıynsha úlken taldaý jasalyp, revızııalyq jumys júrgiziletinin aıtty. Kúzde Prezıdent sport boıynsha úlken keńes ótkizýdi josparlap otyrǵanyn málimdedi.