Qytaı ortalyǵyndaǵy Hýbeı provınsııasynda nóser jaýyn saldarynan sý tasqyny bolyp, 21 adam qaza tapty. Taǵy tórteýi iz-tússiz joǵaldy, dep jazady Egemen.kz QazAqparatqa silteme jasap.
Tabıǵı apat saldarynan, ásirese, taýly aımaqta ornalasqan Hýbeı provınsııasynyń Sýısıan ýezindegi Lıýlın kenti zardap shekti.
Bir táýlikte bul jerde 503 mm kóleminde jaýyn-shashyn túsken. Qytaılyq BAQ málimdemesine sáıkes, nóser jaýyn saldarynan Lıýlın kentinde 21 adam qaza taýyp, taǵy tórteýi iz-tússiz joǵaldy. Apat saldarynan Lıýlın kentiniń 8 myń turǵyny zardap shekti. Sondaı-aq 2,7 myń qurylys ǵımarattary zaqymdanǵan. Joldardy sý basyp, 63 kópir jáne 700-den astam elektr baǵanasy búlingen. Qazirgi kezde mundaǵy avtomobıl qozǵalysy, baılanys jáne elektrmen jabdyqtaý áli qalpyna keltirilgen joq.