Túrkııanyń Qara teńiz jaǵalaýyndaǵy provınsııalarda sý tasqyny saldarynan 17 adam qaza tapty, dep habarlaıdy Egemen.kz.
Bılik málimetinshe, Kastamoný provınsııasynda sý tasqynynan 15 adam, Sınopta eki adam qaza bolǵan.
Apattar men tótenshe jaǵdaılardy joıý basqarmasy (AFAD) zardap shekken aýdandardan tikushaqtar men qaıyqtar arqyly 1400-den asa adam evakýasııalanǵanyn jáne 740-qa jýyq adam stýdenttik jataqhanalarǵa ornalastyrylǵanyn habarlady. Sý tasqyny saldarynan energetıkalyq ınfraqurylym buzylǵan, nátıjesinde 330-ǵa jýyq aýyl elektr jaryǵynsyz qaldy. AFAD málimetteri boıynsha, bes kópir qırap, joldardyń jabylýyna ákelgen.Agenttik málimetine súıensek, el Prezıdenti Rejep Taıyp Erdoǵan sý tasqynynan zardap shekkenderge kóńil aıtty.
Nóser saldarynan paıda bolǵan sý tasqyny Sınop, Bartyn, Qarabúk jáne Kastamoný provınsııalaryna áser etti. AFAD aqparatyna sáıkes, aımaqta izdeý-qutqarý jumystary jalǵasyp jatyr.