QR Bas memlekettik sanıtar dárigeri Erlan Qııasov óz qaýlysyna ózgertý engizdi. Onda endi Vero Cell vaksınasyn qoldana otyryp KVI-ge qarsy vaksınasııa júrgizý sıpattamasy kórsetilgen, dep habarlaıdy Egemen.kz.
«Belsendiligi joıylǵan (Sinopharm) COVID-19-ǵa qarsy vaksına (Vero Cell) – SARS-CoV-2, 19nCoV-CDC-Tan-HB02, shtamynan jasalǵan, ol keıinnen suıyq vaksına qalyptastyra otyryp, alıýmınıı gıdroksıdinen adıývantpen adsorbsııalaý arqyly ósirindi alý jáne jınaqtaý, β-propıolaktonmen belsendiligin joıý, konsentrasııalaý jáne tazartý úshin Vero jasýshalaryna egiledi. Vaksınada antıbıotıkter men konservanttar joq», delingen qaýlyda.
Vaksına 18 jastan asqan eresek adamdarǵa salynady.
Vaksınanyń shyǵarylý nysany:
1) bir dozaly qutyda engizý úshin 0,5 ml ónim bolady;
2) qutyda eki ret engizý úshin 1,0 ml ónim bolady, árbir engizý úshin bir doza retinde 0,5 ml qajet; bir adamǵa 1.0 ml engizýge tyıym salynady. Vaksınasııalaý kestesi: engizý arasyndaǵy 21-28 kún aralyqpen eki doza, ár doza 0,5 ml. quraıdy. Usynylatyn engizý joly – bulshyqetke, kóbinese ıyqtyń delta tárizdi bulshyqetine. Tamyr ishine engizýge qatań tyıym salynady. Qutyny alǵash ashqannan keıin vaksınanyń kólemi 1,0 ml qaldyǵy bólme temperatýrasynda 1 saǵattan artyq saqtalmaıdy nemese plıýs 2°C-tan plıýs 8°C-qa deıingi temperatýra kezinde 6 saǵattan asyrmaı saqtalady.
Vaksınany ekinshi ret alý aldynda rezeńke tyǵynnyń betin dezınfeksııalaý qajet. Aıqaspaly lastanýdy boldyrmaý úshin dozany qutydan shprıske alý ony tikeleı engizer aldynda júrgizilýi qajet. Quramynda konservant joq bolǵandyqtan, shprıske jınalǵan vaksınany dereý paıdalaný kerek. Shprıske birneshe ret aspırasııadan týyndaǵan egý dozasynyń qateligi barynsha azaıtylýy tıis.
Eger qutydaǵy qalǵan vaksına 0.5 ml-den az bolsa, ony tastaý kerek jáne ártúrli qutydaǵy vaksınanyń qaldyqtaryn aralastyrmaý kerek. Osy preparatpen qaıta ımmýndaý qajettiligi anyqtalǵan joq.
Vaksınany engizýge qarsy kórsetilimder:
1) vaksınanyń kez-kelgen komponentine (onyń ishinde qosymsha zattarǵa) allergııa;
2) vaksınaǵa allergııalyq reaksııalar (jedel allergııalyq reaksııa, angıonevrozdyq isiný, entigý);
3) baqylanbaıtyn epılepsııa nemese júıke júıesiniń basqa da údemeli aýrýlary, sondaı-aq anamnezinde Gııen-Barre sındromynyń bolýy;
4) júktilik jáne laktasııa kezeńi;
5) 18 jasqa deıin jas erekshelik.
Eger vaksınasııadan keıin júıke júıesi tarapynan jaǵymsyz reaksııalar paıda bolsa, osy ónimdi qaıta paıdalanýǵa tyıym salynady. Vaksınany mynadaı jaǵdaılarda:
1) jedel aýrýy, sozylmaly aýrýlardyń órshýi jáne qyzbasy bar pasıentterge saqtyqpen qoldaný kerek; qajet bolǵan jaǵdaıda, dáriger vaksınasııany júrgizýdi keıinge qaldyrady;
2) qant dıabetimen aýyratyn pasıentterge jáne anamnezinde nemese otbasy anamnezinde qurysýlar, epılepsııa, ensefalopatııa, psıhıkalyq aýrýlary bar pasıentterge saqtyqpen qoldaný kerek;
3) vaksınany bulshyqetke engizý kezinde paıda bolýy múmkin qan ketý qaýpine baılanysty qannyń uıýynyń buzylýy jáne trombosıtopenııa bar pasıentterge saqtyqpen qoldaný kerek;
4) qaterli isik, nefrozdyq sındrom, JITS-pen aýyratyn naýqastar (bul adamdarda vaksınanyń qaýipsizdigi men tıimdiligi týraly derekter alynbaǵan) sııaqty ımmýndyq fýnksııasy buzylǵan pasıentterde saqtyqpen paıdalaný kerek.
Immýndyq-globýlınder qabyldaıtyn adamdar ımmýndyq tıimdilikke áser etýdi boldyrmaý úshin osy preparatpen keminde 1 aı aralyqpen vaksınasııalanýy tıis. Basqa dárilik zattarmen biriktirip qoldaný: ımmýndyq-sýpressıvti zattar sııaqty ımmýndyq-sýpressıvti preparattar, hımııa-terapııaǵa arnalǵan dárilik zattar, metabolızmge qarsy preparattar, alkılırleýshi agentter, sıtoýytty preparattar, kortıkosteroıdtar jáne t.b. preparattardy biriktirip qoldaný organızmniń osy ónimge ımmýndyq reaksııasyn tómendetýi múmkin. Janama áserlerdiń paıda bolý jıiligi: 1) óte jıi: ıneksııa ornyndaǵy aýyrsyný, bas aýrýy;
2) jıi: qyzba, sharshaý, mıalgııa, artralgııa, jótel, entigý, dıareıa, qyshyný;
3) jıi emes: qyzarý, isiný, qataıý, bórtpe, qyshyný, bas aınalý, anoreksııa, qusý, aýyz-jutqynshaqtyń aýyrýy, dısfagııa, tumaý, ish qatýy, asa joǵary sezimtaldyq;
4) sırek: erıtema, jedel allergııalyq reaksııa, sharshaý, uıqyshyldyq, uıyqtaı almaý, túshkirý, nazofarıngıt, murynnyń bitelýi, tamaqtyń qurǵaýy, tumaý jaǵdaıy, titirkendirgishterge tómen sezimtaldyq (gıpestezııa), aıaq-qoldardaǵy aýyrsyný, júrek soǵysynyń jıileýi, ish aımaǵyndaǵy aýyrsyný, bórtpe, teriniń jáne shyryshty qabyqtardyń qalyptan tys jaǵdaıy, bezeý, kózdiń aýyrýy (oftalmodenııa), qulaqtaǵy jaǵymsyz sezimder, lımfa túıinderiniń ulǵaıýy (lımfadenopatııa);
5) óte sırek: qaltyraý, dám sezýdiń buzylýy, dám sezbeý, kúıdirý jáne ashytý sezimi (parestezııa), tremor, zeıin konsentrasııasynyń buzylýy, murynnan qan ketý (epıstaksıs), demikpe ustamalary, tamaqtyń jybyrlaýy, tonzıllıt, fızıkalyq jaısyzdyq, moıynnyń aýyrýy, jaqtyń aýyrýy, moıynnyń tyǵyzdalýy, aýyzdyń shyryshty qabyǵyndaǵy jaralar, tis aýrýy, óńesh qyzmetiniń buzylýy, gastrıt ustamalary, nájistiń tússizdenýi, kózdiń aýyrýy (oftalmodenııa), bulyńǵyr kórý, kózdiń titirkenýi, qulaqtyń aýyrýy, kúsh túskenin seziný, qysym, tómen qan qysymy, nesep ustamaý, etekkirdiń keshigýi.
Vaksınamen baılanysty kúrdeli janama reaksııalar baıqalǵan joq. Vaksınany saqtaý sharttary – jaryqtan qorǵalǵan jerde, salqyn kúıde plıýs 2° C-tan plıýs 8 °C-qa deıingi temperatýrada. Muzdatýǵa bolmaıdy. Jaramdylyq merzimi – 24 aı. Qaptamasynda jáne zattańbasynda kórsetilgen jaramdylyq merzimi ótkennen keıin paıdalanýǵa bolmaıdy.
Qaýly qol qoıylǵan kúnnen bastap kúshine enedi.