Aqtaýdaǵy kóshelerdiń birinde bala qaıtys boldy. Aldyn ala málimet boıynsha onyń júregi toqtap qalǵan, dep habarlaıdy Egemen.kz.
Buǵan deıin Aqtaý qalasynyń turǵyny áleýmettik jelilerde kýágerler 3-yqshamaýdanda es-tússiz jatqan 12 jastaǵy balany taýyp alǵany týraly jazǵan.
«Úshinshi yqshamaýdanda bala qaıtys boldy. Biz jedel járdem kóligin qyryq mınýt kúttik. Keıin olar ata-anasy kelmeıinshe, biz eshteńe istemeımiz dedi. Ata-anasyn qaıdan izdeımiz? Balany ótip bara jatqan adamdar taýyp alsa. Jedel járdem shaqyrdy. Olar bolsa kómektespedi», dep jazdy turǵyn.
Mańǵystaý oblysyndaǵy jedel járdem stansııasynyń dırektory Aıralbek Shırshıkbaev dárigerler kelgen kezde balanyń júregi toqtap qalǵanyn, biraq soǵan qaramastan feldsher balany jarty saǵattaı tiriltýge tyrysqanyn aıtty.«Top shaqyrtý alǵannan keıin oqıǵa ornyna toǵyz mınýttan keıin keldi. Bala tekserildi, biraq júrek tolyq toqtap qalǵan. Osyǵan qaramastan, feldsherler 30 mınýt boıy júrek-ókpe reanımasııasyn jasady. Biraq, ókinishke qaraı, bul nátıje bermedi. Balany kóshede ótip bara jatqan adamdar taýyp alǵan», dedi Aıralbek Shırshıkbaev.