Kúdiktiler Pavlodardaǵy ýaqytsha ustaý ızolıatoryna qamaldy, dep habarlaıdy Egemen.kz.
«2020 jyldyń 24 qyrkúıeginde Shýchınsk qalasynyń 35 jastaǵy turǵyny Býrabaı aýdandyq ishki ister bólimine júgindi. Onyń aıtýynsha, 2020 jyldyń 15 qyrkúıeginde avtokólik satý týraly jarnama saıtynan «VAZ 2107» shınasyn satý týraly habarlandyrý kórgen. Satýshymen habarlasyp, satyp alýǵa kelisedi. Satýshy bul dóńgelekterdi satyp alǵysy keletinder kóp ekenin aıtyp, aldyn ala 420 myń teńge aýdarýdy usynǵan», deıdi Aqmola oblysy PD baspasóz qyzmeti.
Jábirlenýshi habarlandyrýdaǵy arzan baǵaǵa qyzyǵyp, aqshany jarnama berýshi kórsetken shotqa aýdarǵan. Osydan keıin satýshy baılanysqa shyǵýdy toqtatqan.
«Jedel-izdestirý sharalaryn júrgizý nátıjesinde polısııa kúdiktilerdi anyqtady. Olar Pavlodar qalasynyń 21 jáne 22 jastaǵy turǵyndary bolyp shyqty», dep jazylǵan habarlamada.
Anyqtalǵandaı, olar osylaısha respýblıkanyń ár aımaǵynyń turǵyndaryn aldaǵan.
Qazirgi tańda atalǵan is QR QK 190-baby boıynsha qaralyp jatyr.