Elorda turǵyndary men qonaqtary úshin taǵy bir tartylys núktesi ashylmaq. Salynyp jatqan meshittiń aınalasynan taza aýada ýaqyt ótkizý úshin qolaıly oryn — úlken saıabaq ashylady. Bul týraly Nur-Sultan qalasynyń ákimi Altaı Kólginov óziniń Instagram paraqshasynda jazdy, dep habarlaıdy Egemen.kz.
Qala basshysynyń sózinshe, saıabaq Máńgilik el, Qabanbaı batyr dańǵyldary men Saýran, Hýseın ben Talal kósheleriniń boıynda ornalasady. Saıabaqtyń ortalyq alleıasynda uzyndyǵy 300 metr sýburqaq bolady, onyń ishinde shaǵyn arhıtektýralyq músinder, kóleńkeli shatyrlar ornalasady.
«Jyldan jylǵa bul aýmaqty kógaldandyramyz. Qalada ózindik «jasyl araldar» qurý óte mańyzdy. Sondaı̆-aq, óz tarapymyzdan ınjenerlik jeliler men kommýnıkasııalardy tartý jumysyn júrgizemiz», dep jazdy qala basshysy.
Altaı Kólginov salynyp jatqan meshittiń kólemi týraly da aıtty.
«Meshitke keler bolsaq, bul — elimiz ben Ortalyq Azııadaǵy eń úlken meshit. Negizgi kúmbezdiń bıiktigi shamamen 90 metr, al munaralar 130 metr bıiktikke kóteriledi. Meshittiń syı̆ymdylyǵy — 30 myń adam. Meshit Elbasy Nursultan Nazarbaevtyń tapsyrmasy boı̆ynsha demeýshilik qarajat esebinen salynyp jatyr», dedi Nur-Sultan qalasynyń ákimi.