Nur-Sultanda Sarybulaq ózeniniń arnasyn, sý betin jáne jaǵalaý bóligin tazartý boıynsha ekologııalyq senbilik ótti, dep jazady Egemen.kz.
Senbilikke jalpy sany 67 adam qatysty.
«Tazalaý jumystary júrgizilgen aýmaq 4,4 km qurady», dep habarlaıdy qala ákimdiginiń resmı saıty.
Senbilik barysynda qatysýshylar 4 ýchaskege bólindi.
Birinshi top Yryskeldi qajy meshitinen Seıfýllın kóshesine deıin jumys istedi. Ekinshi top Seıfýllın kóshesinen Tilendıev kóshesine deıingi alańdy tazartty. Úshinshi top Myńaral kóshesine deıin jumys istese, tórtinshi top Myńaral kóshesinen Qarasaı batyr kóshesine deıin jáne t/j joldaryna deıin senbilik ótkizdi.
Ýchaskelerde túrli qoqystar men qatty turmystyq qaldyqtardy, sý betin tazartyp, japyraqtar men aǵash butaqtaryn jınady, artyq ósimdikterdi shaýyp, tazalady. Barlyǵy 5,58 tonna ósimdik qaldyǵy men QTQ jınalyp, shyǵaryldy.
«Elorda ákimdigi qala qonaqtary men turǵyndarynan qorshaǵan ortaǵa uqypty qaraýdy, qoqysty arnaıy bólingen konteınerlik jáne qoqys baktaryna tastaýdy suraıdy», dep jazylǵan habarlamada.