QR Energetıka mınıstrligi 2021 jylǵy qańtar-shilde aılarynyń qorytyndysy aıasynda gaz óndirý kólemi týraly málimet berdi, dep habarlaıdy Egemen.kz.
«Kórsetilgen kezeńde 31,7 mlrd tekshe metr kóleminde gaz óndirildi, bul aǵymdaǵy jylǵy jeti aıdyń josparymen salystyrǵanda 98,2%-dy qurady.
Atalǵan kórsetkishtiń esepti aıdyń josparynan tómen bolýynyń basty sebebi munaı óndirýde ilespe gaz alynady, ıaǵnı munaı óndirý kóleminiń tómendeýi, tıisinshe, gaz óndirý kólemine áser etti», dep jazylǵan mınıstrlik málimetinde.
Sonymen qatar taýarlyq gazdy ishki tutyný kólemi 10,7 mlrd tekshe metrge jetti, osy kórsetkish bıylǵy jylǵy qańtar-shilde aılarynyń jospary 112,4% oryndaldy.
«Suıytylǵan munaı gazyn óndirý kólemi 1,8 mln tonnany qurap, bul esepti kezeńniń josparyna qaraǵanda 106,6%-ǵa oryndaldy. Esepti kezeńde el aýmaǵynan gaz tranzıti 44,8 mlrd tekshe metrdi qurap, jeti aıdyń josparymen salystyrǵanda 114,1 %-ǵa jetti», dep alatyp ótken habarlamada.