Qaraǵandy oblysynda koronavırýs ınfeksııasyn juqtyryp, aýyr halde aýrýhanalarǵa túsip jatqan naýqastar sany kún ótken saıyn kóbeıip keledi. Mundaı málimdemeni oblystyq Densaýlyq saqtaý basqarmasynyń basshysy Gamal Toqsambaev óńirlik kommýnıkasııalar qyzmetinde ótken brıfıngte jasady.
О́ńirdiń bas dárigeri jaǵdaıdyń bulaısha qalyptasýynyń birqatar sebebin atap kórsetti.
– О́kinishke qaraı, sońǵy ýaqytta bizde aýyr naýqastardyń juqpaly aýrýlar aýrýhanalaryna túsýi jıilep ketti. Yqtımal baılanystardy taldaý kezinde naýqastardyń Býrabaı, Baıanaýyl, Balqash sııaqty jerlerdegi demalys oryndarynan kelgeni nemese túrli merekelik otyrystarda bolǵany anyqtaldy. Budan bólek naýqastardyń kóbi aýyrǵanyn sezingenmen, uzaq ýaqyt boıy medısınalyq kómekke júginbeı júrip alady. Aýrýhanaǵa tynys alý jetkiliksizdigi, álsizdik, aıqyn ıntoksıkasııa órshigen kezde ǵana keledi, – dedi ol.
Qazirgi ýaqytta oblystaǵy ınfeksııalyq tósek-oryndardyń 52,7%-y bos emes eken. Stasıonarlarda jaman tumaýmen aýyratyn 3 myńǵa jýyq naýqas emdelýde. Jansaqtaý bólimshelerindegi 163 aýyr naýqastyń 45-i ókpeni jasandy jeldetý apparatyna qosylǵan.
Indettiń órshýine baılanysty, kenshiler astanasynda medısınalyq kómek kórsetý úshin qosymsha 380 tósek-oryn ashyldy. Qala boıynsha jalpy qýattylyq 2 971 tósek-orynǵa deıin ulǵaıtylǵan, onyń 58%-y qazir jumys istep tur.
G.Toqsambaev jedel medısınalyq járdem brıgadalarynyń sanyn arttyrýǵa májbúr bolyp otyrǵandaryn atap ótti. Nege deseńiz, sońǵy kezderi turǵyndar tarapynan shaqyrýlar tym jıilep ketken. Qazir jedel medısınalyq kómektiń 105 brıgadasy halyqqa qyzmet kórsetip júr. «Qajettilik bolsa, taǵy 20 brıgadany jelige shyǵara alamyz», dedi vedomstvo basshysy.
О́kinishtisi sol, qazir keıbir turǵyndar koronavırýs ınfeksııasynyń alǵashqy belgileri paıda bola bastaǵanda birden medısınalyq kómekke júginbeı, ózderi úıde óz betterimen emdelip, aýrýdy asqyndyryp alady eken. Buǵan qosa turǵyndardyń vaksına saldyrýǵa saldyr-salaq qaraýy da jaǵdaıdyń kúrdelene túsýine zardabyn tıgizip jatyr.
Brıfıng barysynda oblystyq Densaýlyq saqtaý basqarmasynyń basshysy pandemııamen kúresýdiń eń tıimdi amaly vaksına alý ekenin jurttyń esine taǵy bir márte saldy. Aldaǵy ýaqytta oblystyń 42 myń turǵyny Qytaıda shyǵarylǵan Vero Cell vaksınasyn saldyratynyn aıtty. Atalǵan preparat jaqyn arada jetkiziletin kórinedi.
– Sinopharm kompanııasy óndirgen Vero Cell vaksınasynyń 84 myń dozasyn kútip otyrmyz. Bul – eki fazaly preparat. Vaksınany oblysymyzdyń 42 myń turǵyny alady degen josparymyz bar, – dedi G.Toqsambaev.
Qytaılyq Vero Cell vaksınasyn osy jyldyń 7 mamyrynda Dúnıejúzilik densaýlyq saqtaý uıymy maquldaǵanyn aıta ketken jón. Shilde aıynda bul COVAX vaksınalar bankine kirdi.
Sonymen qatar oblysta reseılik Spýtnık V vaksınasy men otandyq QazVac preparaty da bar. Sondaı-aq basqarma basshysy Hayat-Vax jáne CoronaVac vaksınalarynyń ekinshi komponenti tek alǵashqy dozasyn alǵan jáne ımmýndaýdy aıaqtaǵan adamdarǵa qoljetimdi ekenin aıtty.
Sońǵy málimetterge saı, Qaraǵandy oblysynda koronavırýs ınfeksııasyna qarsy vaksınanyń birinshi komponentin 432 331 adam, ekinshisin 322 175 adam alǵan.
Eske salar bolsaq, Qaraǵandy oblysynda pandemııa bastalǵannan beri 70 myńǵa jýyq adamnyń jaman tumaýmen aýyrǵany resmı tirkelgen. Onyń ishinde naýqastardyń 79%-y jazylyp shyqty. Al ótken táýlikte oblystyń 1 127 turǵynynyń koronavırýs ınfeksııasyn juqtyrǵany belgili boldy. Atalǵan syrqattan 835 adam saýyǵyp shyqqan.
Qaraǵandy oblysy