Jambyl oblysynyń Aspara-Shý aralyǵyndaǵy poıyz qozǵalysy qalpyna keltirildi, dep habarlaıdy Egemen.kz.
«Jambyl oblysynyń Aspara-Shý aralyǵyndaǵy poıyz qozǵalysyn qalpyna keltirý jumystary aıaqtaldy. Poıyz qozǵalysynyń bir joly túngi 02.15-te ashyldy. Birinshi bolyp konteınerlik poıyz, odan keıin Shymkent - Nursultan baǵytyndaǵy № 712 «Talgo» jolaýshylar poıyzy ótti. Qarsy baǵyttaǵy qozǵalys tańǵy 8.20-da ashyldy», delingen habarlamada.
Qalpyna keltirý jáne jóndeý jumystaryna arnaıy temir jol jáne avtotraktor tehnıkasy, 75 jumysshy jumyldy.
Eske salaıyq, Merki óńiriniń taýlarynda qar aralas nóser jaýýy saldarynan avtojol men temir jol kópirin sý basqan edi. Saldarynan poıyzdar ýaqytsha toqtap turǵan bolatyn.