Aýǵanstanda dıplomattardan basqa Qazaqstan azamattary joq. Bul týraly Syrtqy ister mınıstrligi málim etti, dep habarlaıdy Egemen.kz.
Departament málimetinshe, Aýǵanstanda Qazaqstan azamattary joq, bári qazirdiń ózinde elden ketken.
Bul rette Qazaqstan Elshiligi Kabýlda jumysyn jalǵastyryp jatyr. Elshi men qyzmetkerler elde qalady.Aıta keteıik, «Talıban» sodyrlary Aýǵanstan astanasy Kabýlǵa kirip, prezıdent saraıyn basyp aldy. Olar is júzinde Aýǵanstan Islam Ámirliginiń qurylǵanyn jarııalap, eldegi bılikti qolyna aldy. Aýǵanstan Prezıdenti Ashraf Ǵanı elden ketti.
Talıban qozǵalysyna Joǵarǵy sottyń 2005 jylǵy 15 naýryzdaǵy sheshimine sáıkes Qazaqstanda tyıym salynǵan.