Jalǵan ınspektorlar nysandardy aralap, kásipkerlerdi qorqytýǵa kóshken. Zań buzýshylyqqa «kóz jumǵany» úshin syıaqy talap etedi eken, dep habarlaıdy Egemen.kz oblystyq kásipkerler palatasynyń baspasóz qyzmetine silteme jasap.
Jalǵan baqylaýshy toptar týraly aqparat áleýmettik jelilerde jıi shyǵa bastady.
«Men taǵy bir ret eske salǵym keledi, barlyq reıd baqylaý tobynyń quramyn jáne josparlanǵan obektini kórsete otyryp, infokazakhstan.kz saıtynda tirkelýi tıis. Kásipker tekserýdiń zańdylyǵyn óz betimen teksere alady. Ol úshin aktide kórsetilgen QR-kodty skanerleý qajet», dedi Qostanaı oblysy Kásipkerler palatasynyń bólim basshysy Robert Iýsýpov.
Esterińizge sala keteıik, atalǵan talaptar monıtorıngtik top algorıtminde 1 shildede paıda boldy.
«Endi josparlanǵan tekserýler men olardyń nátıjesi týraly aqparatty infokazakhstan.kz platformasy arqyly baqylaýǵa bolady. Olardyń negizinde statıstıka men anyqtalǵan buzýshylyqtar kún saıyn óńirler boıynsha qurylady.
Budan basqa, ınspektorlardyń áreketteri týraly Qostanaı oblysy kásipkerleriniń quqyqtaryn qorǵaý jónindegi mobıldi topqa telefon arqyly habarlasa alasyz: 8-705-153-91-07, 8-777-580-03-99 , 8-7142-394-208, + 7 (7142) 54 29 53, +7 (775) 829 95 79, + 7 (775) 265 55 51», dep jazady vedomstvo.