Sábıt Muqanovtyń týǵanyna 110 jyl tolýyna arnalǵan kólemdi shara jaıdary jazda atalyp ótpek. Oǵan deıin uıymdastyrylǵan alqaly basqosýlar akademık jazýshynyń ómiri men shyǵarmashylyǵyn ár qyrynan tanytty. Sondaı respýblıkalyq ǵylymı-tájirıbelik konferensııalardyń biri “Sábıt Muqanov: ulttyq ádebıet, mádenıet jáne tarıh” degen atpen M.Qozybaev atyndaǵy SQMÝ-de ótti. Oǵan aqyn Kákimbek Salyqov, basqa da óner qaıratkerleri qatysyp, Sábeń jaıly estelikter aıtty.
Al oblystyq máslıhattyń kezekten tys sessııasynda elimizdiń bir top zııaly qaýymynyń, jurtshylyqtyń Tımırıazev aýdanyna jerlesimizdiń esimin berý týraly usynystary halyq qalaýlylary tarapynan biraýyzdan qoldaý tapty. Sóıtip, Qyzyljar óńirinde barlyq aýdandar qazaqshalandy.
О́mir ESQALI, Soltústik Qazaqstan oblysy.