Bıyl tuńǵysh ret Nur-Sultan qalasynyń sportshy talapkerlerine qala ákiminiń bilim granty beriledi, dep jazady Egemen.kz.
Qala ákimdiginiń resmı saıtynyń jazýynsha, joǵary bilimdi mamandardy daıyndaýǵa memlekettik bilim berý tapsyrysyn Eýrazııa ulttyq ýnıversıteti júzege asyrady.
«Nebir myqty sportshylar, el namysyn halyqaralyq arenalarda qorǵap júrgen sport sheberleri mektep kezderinen jattyǵý zalynda júrip, UBT tapsyrǵanda aqsap jatady. Memlekettik grantqa ilinbegen sportshylar qoljetimdi mamandyqqa tapsyrýǵa májbúr bolady. Sonyń saldarynan biz úmit artyp otyrǵan sportshylarymyzdan aıyrylyp qalyp jatamyz. Memleket basshysy jastardyń sporttyq áleýetin damytýǵa erekshe kóńil bólip otyr, tıisinshe jan-jaqty qoldaý kórsetilip jatyr. Qala ákimi Altaı Seıdiruly usynysymyzdy qoldap, Nur-Sultan qalasynyń sportshylaryna 50 grant berý týraly sheshim qabyldady. Joǵary oqý oryndaryn aıaqtaǵan soń, mamandar jattyqtyrýshy, nusqaýshylar retinde qalalyq sport uıymdaryna jumysqa qabyldanady. Solaı biz óz kadrymyzdy daıyndaımyz», dedi Nur-Sultan qalasynyń Dene shynyqtyrý jáne sport basqarmasynyń basshysy Samat Erǵalıev.