Bıylǵy qyrkúıek aıynda Prezıdenttik jastar kadrlyq rezervine ekinshi irikteý ótkiziletindigi jaıly jaqsy habar bolashaǵynan úlken úmit kúttiretin jas mamandardy eleń etkizgeni anyq. Jalpy, qazir elimizde bilikti basshy kadrlar daıarlaý máselesine memlekettik deńgeıde jiti nazar aýdarylyp otyrǵandyǵy kóńilge úlken úmit uıalatady. Degenmen, osy oraıda oılanarlyq jaıttar da bar.
Máselen, basshy kadrlar rezerviniń qalyptasýy tómengi baspaldaqtan ótken memlekettik qyzmetshilerdiń úzdikterin irikteýden, ıaǵnı olardyń tómengi deńgeıdegi laýazymdardy qalaı atqarǵanyna baǵa berýden bastalǵany jón. О́ıtkeni jas azamattardyń qarym-qabileti olardyń teorııalyq bilimderin testileýden ǵana emes, aımaqtarda atqarǵan praktıkalyq qyzmetteriniń nátıjesinen aıqynyraq kórineri kámil. Buǵan qosa, bolashaǵynan úmit kúttiretin jas mamandardy bir jaýapty laýazymnan ekinshisine shegirtkedeı sekirte bermeı, mansap baspaldaqtarymen birtindep, júıeli negizde ósirýge jete mán berý kerek sııaqty.
Osy rette biz memlekettik qyzmetke jastardy qabyldaý qalaı júrgizilip jatqany týraly Soltústik Qazaqstan oblystyq memlekettik qyzmet isteri departamentiniń bas mamany Gúlnár Sársembaevadan aqparat alǵan edik. Alynǵan derekterge qaraǵanda, oblysta 2021 jyldyń alǵashqy jartysynda «B» korpýsynyń ákimshilik memlekettik laýazymdarynyń 108 ornyna turýǵa konkýrs jarııalanǵan eken. Sonyń 80-i – tómengi deńgeıdegi memlekettik qyzmetter. Konkýrsta jeńip, laýazymǵa turǵandardyń 38 paıyzy 29 jasqa deıingi jastar bolǵan.
Osy konkýrstyń nátıjesinde jergilikti memlekettik atqarý organdaryna 37 qyzmetker usynylyp, taǵaıyndalǵan. Bul atalǵan merzimde memlekettik qyzmetke turǵandardyń 74 paıyzy.
Buǵan deıin oblysta konkýrstan ótip, memlekettik qyzmetke taǵaıyndalǵan jas azamattardyń 10-y qazir oblystyq ákimdikte bas ınspektor men bas maman sııaqty laýazymdardy atqaryp júr. Bireýi baspasóz hatshysy qyzmetine turǵan. Al úsheýi oblystyq basqarmalar basshylarynyń orynbasary qyzmetin atqarýda. Osylardyń ishinde bireýi – Ishki saıasat basqarmasy basshysynyń orynbasarlyǵyna 2019 jyly bolǵan Prezıdenttik jastar kadrlyq rezervinen kelgen.
Konkýrstan ótken jastardyń birazy aýdandyq jáne Petropavl qalalyq ákimdikterinde jaýapty qyzmetter atqarý ústinde. Mysaly, Shal aqyn aýdany ákiminiń orynbasary – konkýrstan bıyl ǵana ótken jas azamat. Al oǵan deıin osy qyzmette bolǵan 29-ǵa tolmaǵan azamat Ǵ.Músirepov aýdany ákiminiń apparatyn basqarýǵa aýysqan. Sondaı-aq M.Jumabaev, Aqjar, Jambyl, Qyzyljar aýdandary ákimdikteriniń bólimderin konkýrstan ótken jastar basqarýda.
Aýyldyq okrýgtar ákimderi apparattaryndaǵy memlekettik qyzmet laýazymdarynyń kóbin de jastar atqarýda. Sonyń ishinde Taıynsha aýdanyndaǵy Iаsnopolıan, Tımırıazev aýdanyndaǵy Esil aýyldyq okrýgterinde Ermuqan Temirbaev pen Súndetolla Parınov tabysty eńbek etýde.
Súndetolla – Túrkistan oblysy, Saryǵash aýdanynyń týmasy. 2014-2017 jyldary Shymkent qalasynyń ákimdiginde qyzmet istegen. Soltústik Qazaqstanǵa qonys aýdaryp kelgende aldymen Tımırıazev aýdany ákiminiń keńesshisi bolyp taǵaıyndalǵan, qazir Esil aýyldyq okrýgin basqarýda.
Osy oraıda qazirgi halyq tyǵyz qonystanǵan ońtústik óńirlerdiń turǵyndaryn jumys kúshi jetispeıtin soltústik óńirlerge erikti túrde qonys aýdarý baǵdarlamasy iske asyrylyp jatqan kezde Súndetolla syndy jas memlekettik qyzmetshilerdiń de kóbirek kóship kelý múmkindigin qarastyrǵan da jón-aý degen oı keledi. Munyń ózi qonys aýdarýshylardyń muqtajdyqtaryn ýaqtyly bilip, der kezinde sheshýge, olardyń jańa ortaǵa tezirek beıimdelýine oń áserin tıgizeri anyq.
Mamlıýt aýdanynyń Stanovoı aýyldyq okrýginiń ákimi bolyp Anjelıka Osıkova taǵaıyndalǵan. Jergilikti ýnıversıtetti bitirgennen keıin ol Mamlıýt aýdandyq ákimdigine tómengi laýazymdyq qyzmetterde istegen. О́ziniń orny – halyqpen jumys istep, onyń muń-muqtajyn sheshýde ekenin sezgen qyz memlekettik qyzmetshiler konkýrsynan ótip, sońǵy eki jylda aýyl ákimi laýazymyn tabysty atqaryp keledi. Turǵyndardyń kóńilinen shyǵýdy ǵana kózdegen ony turǵyndar da jaqsy kóredi.
Ǵ.Músirepov atyndaǵy aýdandaǵy Chıstopol aýyldyq okrýginiń ákimi Qanat Amantaev ta konkýrstan ótip taǵaıyndalǵan jas jigit. О́ziniń qyzmet jolyn osy ákimdiktegi tómengi laýazymnan bastaǵan ol jergilikti turǵyndardyń problemalaryn jaqsy bilip, olardy sheshý jolynda belsendi eńbek etýde.
«Jas kelse – iske» demekshi, Qyzyljar óńirinde jas mamandardyń mansaptyq jyljýy birshama jaqsy jolǵa qoıylǵan dep aıtýǵa bolady. Osyndaı, ásirese aýyldyq jerlerde «júzden júırik shyǵyp» júrgen órender aldaǵy ýaqytta Prezıdenttik jastar kadrlyq rezervine basymdyqpen alynyp, aýdandardaǵy basshylyq qyzmetterge der kezinde jiberilip otyrsa, quba-qup. Túbinde óńirdi de, aýyldy da órkendetetinder de astanadan aınalsoqtap shyqpaıtyn «asfaltta óskenderdiń» ishinen emes, shalǵaıdaǵy eldi mekende halyqqa qaltqysyz qyzmet etip júrgen jas mamandardyń arasynan shyǵary kúmánsiz.