Almatylyq «Qaırat» Konferensııa lıgasy pleı-off kezeńiniń birinshi matchinde Lıýksembýrgtiń «Folasyn» jeńip, týrnırdiń toptyq kezeńine bir qadam jaqyndady, dep habarlaıdy Egemen.kz.
Lıýksembýrgte ótken kezdesý 4:1 esebimen aıaqtaldy. Almatylyqtar sapynan Vagner Lav 37 jáne 70-mınýtta gol soqty, brazılııalyq shabýylshy ekinshi golyn penaltıden saldy. Artýr Shýshenachev (28-mınýt) pen Rıkardo Alvesh (43 -shi) bir márte kózge tústi. «Folanyń» jalǵyz golyn 19-mınýtta Mırza Mýstafıch saldy.
Qarymta kezdesý 26 tamyzda Almaty Ortalyq stadıonynda ótedi, match elorda ýaqytymen 20:00-de bastalady. Bul juptyń jeńimpazy Konferensııa lıgasynyń toptyq kezeńinde oınaıdy.