Tramptyń jaqtaýshysy, kongressmen Mardjorı Teılor Grın kongreste Djo Baıdenniń ımpıchment prosedýrasyn daıyndaý boıynsha praktıkalyq jumysty bastaǵanyn aıtty, dep habarlaıdy Egemen.kz RIA Novostıge silteme jasap.
Mardjorı Teılor Grınmen ótkizilgen kelissózderden keıin respýblıkashylardyń oń qanatynyń strategi jáne «trampızmniń» negizgi ıdeologtarynyń biri Stıv Bannon qazirgi Prezıdenttiń qarsylastary úshin jańa taktıkany usyndy: 2022 jylǵy saılaýdan keıin ókilder palatasy Trampty Nensı Pelosıdiń ornyna keminde 100 kún spıker etip saılaıdy. Bul úshin Tramptyń kongreske saılanýy da qajet emes: teorııalyq turǵydan О́kilder palatasynyń spıkeri kongressmen bolmaýy da múmkin. Biraq AQSh saıasatynda bul is júzinde eshqashan bolǵan emes.
Osy arada demokrattardyń «Murager» operasııasyna daıyndalyp jatqan jaıy bar. Sońǵy kúnderi vıse-prezıdent Kamala Harrıs Aýǵan taqyrybyna baılanysty negatıvten aýlaq bolǵan. El ishinde taraǵan «Baıden ákimshiligi - Harrıs» sózderiniń aıasynda, vıse-prezıdent, shynynda da Kabýl áýejaıyndaǵy qaıǵyly oqıǵa týraly birde-bir pikir bildirgen joq. Tipti demokratııalyq baspasóz Harrıs Aýǵanstannan shyǵý strategııasyna qatysty sheshim qabyldaýdaǵy róli úshin synnan qutyla almaıtynyn moıyndaıdy.
Baıden bedeline Talıbannyń jeńisine baılanysty uıymdastyrǵan brıfıng te kir keltirdi.
Keıbir amerıkalyq sarapshylar Kabýldaǵy sońǵy oqıǵalar Baıdenniń bedeline nuqsan keltirse de, keıingi saılaýǵa aıtarlyqtaı áser etpeıdi degen pikirde. Olar Saıgon-1975-tiń oqıǵalary 1976 jylǵy prezıdenttik naýqanǵa áser etpegenin eske aldy.