Shyǵys Qazaqstan oblysyndaǵy iri ken oryndarynda paıdaly qazbalar qory 2025-2040 jyldarǵa ǵana jetýi múmkin. Bul týraly QR Ekologııa, geologııa jáne tabıǵı resýrstar vıse-mınıstri Serikqalı Brekeshev málimdedi, dep habarlaıdy Egemen.kz.
«Memleket basshysy Joldaýynda monoqalalardy damytýǵa erekshe nazar aýdardy. Osyǵan baılanysty memlekettik bıýdjet esebinen jumysty josparlaýda basym baǵyt birinshi kezekte monoqalalar mańyndaǵy aýmaqtardy geologııalyq barlaý bolady. Paıdaly qazbalar qorynyń azaıýy qala quraýshy kásiporyndardyń toqtap qalýyna, aımaqtyń áleýmettik-ekonomıkalyq jaǵdaıynyń jalpy nasharlaýyna ákeledi. Mamandardyń aıtýy boıynsha, 2025-2040 jyldarǵa qaraı Shyǵys Qazaqstan oblysyndaǵy Orlovskoe, Maleevskoe, Tıshınskoe, Rıdder-Sokolnoe ken oryndaryndaǵy paıdaly qazbalar sarqylýy múmkin», dedi Brekeshev.
Onyń aıtýynsha, bul máseleni sheshý úshin jańa perspektıvaly ýchaskelerdi jedel anyqtaý, «eski» ken oryndaryna qosymsha barlaý júrgizý, jeke ınvestısııalardy tartý jáne tehnologııalyq mıneraldy túzilimderdi óńdeý qajet.
Brekeshevtiń pikirinshe, qala quraýshy kásiporyndardyń negizgi máselesi - paıdaly qazbalar qorynyń azaıýy.