Almaty oblystyq PD krımınaldyq polısııasy men ekologııalyq polısııa 61 jastaǵy er adamnyń kóliginen birqazannyń óleksesin tapty, dep habarlaıdy Egemen.kz.
«19 tamyzda Sarqan aýdanynyń Balqash kóliniń jaǵasynda Almaly aýylynyń 61 jastaǵy turǵynynyń kóligin tekserdi. Tekserý kezinde kólikten tiri dýadaq pen birqazannyń óleksesi tabyldy», deıdi Almaty oblysy boıynsha PD KP bastyǵynyń orynbasary Larısa Kan.
Atyp alynǵan qus aıtarlyqtaı azaıyp ketkenine baılanysty Qyzyl kitapqa engizilgen.
«Kúdiktige qatysty Qazaqstan Respýblıkasynyń Qylmystyq kodeksiniń 337-baby 1-bóligi boıynsha tergeý bastaldy. Qus atylǵan myltyq qylmys quraly túrinde is qujattaryna engizilgen. Esterińizge sala keteıik, Almaty oblysy aýmaǵynda 9-31 tamyz aralyǵynda ekologııalyq zańnamany buzý faktilerin ashýǵa baǵyttalǵan «Brakoner» sharasy ótkiziledi. Dál osyndaı shara Qaraǵandy oblysynda da ótedi», dep qosty Kan.