Almatyda emhana meńgerýshisi jalǵan vaksına pasportyn satqany úshin ustaldy, dep jazady Egemen.kz Almaty Qalalyq sybaılas jemqorlyqqa qarsy qyzmet agenttigine silteme jasap.
Qalalyq sybaılas jemqorlyqqa qarsy qyzmetiniń málimetinshe, onyń qaramaǵyndaǵylar men deldaldar da ustalǵan.
Olar aqshalaı syıaqyǵa 100-den astam jalǵan vaksına pasportyn jasap, ony satty degen kúdikke ilindi. Iаǵnı, medısına qyzmetkerleri densaýlyq saqtaý mınıstrliginiń «Vaksınalaý» elektrondy modýline jalǵan aqparat engizgen. Sonyń negizinde «egov.kz» elektrondy úkimet portalynda azamattardyń koronavırýs ınfeksııasyna qarsy vaksına alǵany týraly jalǵan elektrondy pasporttar jasalǵan.
Sotqa deıingi tergeý jalǵasyp jatyr. Kúdiktilerge qatysty sońǵy sheshimdi sot qabyldaıdy.