Memleket Basshysy Qasym-Jomart Toqaev jumys saparymen Almaty oblysyna keldi. Bul týraly Prezıdenttiń baspasóz hatshysy Berik Ýálı Facebook-tegi paraqshasynda jazdy, dep habarlaıdy Egemen.kz.
«Almaty oblysyna sapary barysynda Qasym-Jomart Toqaev «Qaısar-2021» jedel-taktıkalyq oqý-jattyǵýyn tamashalaıdy. Sonymen qatar, Prezıdent medısınalyq buıymdar men dári-dármekter, azyq-túlik jáne maılaý materıaldaryn shyǵaratyn birqatar óndiristik kásiporyndardyń qyzmetimen tanysady. Erteń, 23 tamyzda Memleket basshysy Almatydaǵy jumys rezıdensııasynda birqatar is-sharalar ótkizedi, onyń ishinde beınekonferensbaılanys rejıminde UQShU Ujymdyq Qaýipsizdik Keńesiniń kezekten tys sessııasyna qatysady», dep habarlady Berik Ýálı.