Qazgıdromet 23 tamyzǵa arnalǵan aýa raıy boljamyn jarııalaıdy, dep habarlaıdy Egemen.kz.
Antısıklon jotasynyń yqpalymen Qazaqstan aýmaǵynyń basym bóliginde jaýyn-shashynsyz aýa raıy saqtalady.
Kúndiz ońtústik jáne ońtústik-shyǵys taýly aýdandarda atmosferalyq frontaldy bólikterdiń ótýimen jańbyr jaýady, naızaǵaı kútiledi.
Respýblıka boıynsha jeldiń kúsheıýi, ońtústikte shańdy daýyl, ońtústik jáne ońtústik-shyǵystyń taýly aýdandarynda burshaq kútiledi.
Kúndiz Jambyl oblysynyń taýly aýdandarda naızaǵaı, burshaq kútiledi, oblystyń soltústik-shyǵysynda shańdy daýyl, oblystyń soltústik-shyǵysynda jáne ońtústik-batysynda jel 15-20 m/s kúsheıedi.
Kúndiz Túrkistan oblysynda naızaǵaı kútiledi, taýly aýdandarda jáne batysynda jel 15-20 m/s kúsheıedi, batysynda shańdy daýyl bolady. Qyzylorda oblysynyń ortalyǵynda shańdy daýyl bolady, jel 15-20 m/s kúsheıedi.
Qaraǵandy oblysynyń soltústiginde jáne shyǵysynda, kúndiz Qostanaı oblysynyń ońtústiginde jel 15-20 m/s kúsheıedi.
Kúndiz Atyraý, Batys Qazaqstan, Aqtóbe oblystarynda qatty ystyq saqtalady, Soltústik Qazaqstan oblysynyń basym bóliginde, Mańǵystaý, Qaraǵandy oblystarynyń ońtústiginde qatty ystyq bolady. Mańǵystaý, Batys Qazaqstan, Atyraý, Aqtóbe, Qyzylorda, Túrkistan, Jambyl oblystarynda, Almaty oblysynyń keı jerlerinde, Qaraǵandy oblysynyń ońtústik-batysynda, Qostanaı, Soltústik Qazaqstan, Shyǵys Qazaqstan oblystarynyń ońtústiginde, Aqmola oblysynyń ońtústik-batysynda óte joǵary órt qaýpi týyndaıdy.