Elimizde qubylmaly aýa raıy ázirge saqtalady. Respýblıkanyń birqatar aımaqtarynda qar jaýyp, burqasyndatady, jel uıytqyp, kóktaıǵaq jáne tuman bolady. Bul týraly Total.kz habarlady.
Sınoptıkterdiń boljamynsha, soltústik aımaqtarda, Astanada kún raıy 28-31 gradýsqa deıin sýytady. Sondaı-aq osyndaı aıaz jaqyn kúnderi elimizdiń ońtústiginde de oryn almaq.
Respýblıkanyń barlyq aımaqtarynda ókpek jel men kóktaıǵaq bolady dep kútilýde. Uıytqı soqqan jeldiń jyldamdyǵy saǵatyna 20-25 metrge deıin barýy múmkin. Burqasyn Aqmola, Qostanaı, Qaraǵandy oblystarynda bolady dep boljanýda. Aqtóbe oblysynda borandy jeldiń kúsheıýi 15-20 m/s bolsa, Batys Qazaqstan oblysynda tuman men kóktaıǵaq bolyp, jeldiń uıytqýy 20 m/s-ǵa deıin barady dep kútilýde. Atyraý oblysynda kúshti jel 15 m/s-ǵa deıin bolmaq. Al Almaty, Ońtústik Qazaqstan oblystarynda tuman men kóktaıǵaq qatar bolady dep eseptelse, Qyzylorda oblysynda aýanyń temperatýrasy 27-30 gradýsqa deıin tómendeıtini aıtylyp otyr.
Ábdirahman Qydyrbek.
Derekkóz: Total.kz
Foto: Piter.tv