Atyraýda koronavırýs ınfeksııasymen aýyryp, jaǵdaıy nasharlaǵan 98 naýqas jansaqtaý bóliminde jatyr. Onyń ishinde 11 pasıent ókpeni jasandy jeldetý apparatyna qosylǵan, dep habarlaıdy Egemen.kz.
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, ótken táýlikte 310 adam qaýipti vırýsty juqtyrǵan. Atyraý qalasynda 187, al Jylyoı aýdanyndaǵy Teńiz ken ornynda 60 naýqas tirkelgen. О́zge naýqastar 6 aýdanda anyqtalǵan.
«Qazir úı jaǵdaıynda emdelý úshin 8 614 adam em qabyldaýda. О́ńirdegi 3 012 oryndyq ınfeksııalyq stasıonarlarda 1 674 naýqas emdelip jatyr. Stasıonarlardaǵy júkteme 55,6%-dy qurady.
Al, stasıonarlardyń 114 tósek-orny bar jansaqtaý bóliminde jaǵdaıy aýyr 98 naýqas oqshaýlandy. Onyń ishinde 11 pasıent ókpeni jasandy jeldetý apparatyna qosylǵan. Bul bólimdegi júkteme 86,8%-ǵa jetti», dep málim etti basqarmanyń baspasóz qyzmetinen.
Sondaı-aq, 21-22 tamyzda 2 553 atyraýlyq koronavırýs ınfeksııasyna qarsy vaksınalardyń I komponentin saldyrǵan.
Osylaısha, bıylǵy 1 aqpannan beri 178 462 adam vaksınalardyń I komponentin ektirgen. Vaksınalardyń II komponentin saldyrǵandardyń sany 128 644 adamdy qurap otyr.