«Aqorda» rezıdensııasy ǵımaratynyń shatyry josparly jóndeýden ótip jatyr. Jumystar mamyr aıynda bastalsa, qyrkúıekte aıaqtalady, dep habarlady Qazaqstan Respýblıkasy Prezıdenti Is Basqarmasynyń baspasóz qyzmeti.
Jaz boıy tarıhı ǵımarattyń estetıkalyq kelbetin buzbaý úshin nysannyń syrtyna qurylys satylary ornatylmaı, onyń ornyna neǵurlym jumsaq tehnologııa tańdaldy.
Jumysshylar men qajetti materıaldardy shatyrǵa kedergisiz kóterý úshin, jaǵalaý jaǵyndaǵy qabyrǵanyń dekoratıvti erneýi alynyp, qurylys platformasy ornatyldy. Jóndeý jumystary aıaqtalǵan soń dekoratıvti element óz ornyna qaıta bekitiledi. Qazir erneý saqtaý qoımasynda tur.
«Aqorda» rezıdensııasy 17 jyl buryn salynǵan. Onyń resmı ashylýy 2004 jyldyń 24 jeltoqsanynda ótti. Bıyl alǵash ret biregeı ǵımarattyń shatyryna jóndeý jumystary júrgizilýde.
Prezıdent rezıdensııasyna, sondaı-aq, Úkimet úıi, Mınıstrlikter úıi, Qarjy mınıstrliginiń ǵımaraty tárizdi eń iri ákimshilik keshenderine tehnıkalyq qyzmetterdi Qazaqstan Respýblıkasy PIB «Qazaqstan Respýblıkasy Prezıdentiniń Ákimshiligi men Úkimetiniń ákimshilik ǵımarattary dıreksııasy» sharýashylyq júrgizý quqyǵyndaǵy respýblıkalyq memlekettik kásiporny kórse- tedi.