Úkimet otyrysynda Ulttyq sanaqqa daıyndyq barysyn baıandaǵan Ulttyq statıstıka bıýrosynyń basshysy Nurbolat Aıdapkelov sheteldegi otandastarymyz da sanaqtan tys qalmaıtynyn aıtty, dep habarlaıdy Egemen.kz.
«Turaqty turǵyndar, elimizdiń azamattary, sheteldikter jáne azamattyǵy joq adamdar sanaqtan ótedi. Sondaı-aq qyzmettik mindetterin oryndaýmen baılanysty shetelge júrgen bizdiń azamattar, «Bolashaq» baǵdarlamasy jáne stýdent almasý baǵdarlamalary boıynsha oqıtyn stýdentter, shetelge demalysqa, emdelýge nemese qonaqqa ketken týrıster de sanaqtan ótedi. Qazaqstan Respýblıkasyna turaqty turýǵa kelgen nemese pana izdegen qonys aýdarýshylar, sondaı-aq 12 aıdan az, ýaqytsha elde júrgen sheteldikter de sanaqqa alynady», dedi ol.
Onyń aıtýyna qaraǵanda, Ulttyq statıstıka bıýrosy barlyq múddeli memlekettik organdarmen, jergilikti ákimdiktermen halyq sanaǵyn ótkizý kezinde birlesip áreket etý boıynsha birlesken buıryqtar qabyldaǵan. Dál osyndaı birlesken buıryq Syrtqy ister mınıstrligin de bekitilipti.
«Bıýro sheteldegi azamattarymyzdyń sanaǵyn ótkizýdi uıymdastyrý maqsatynda QR SIM-men ózara is-qımyl tártibi týraly birlesken buıryqtardy bekitti», dedi Ulttyq statıstıka bıýrosynyń basshysy.