Ulttyq statıstıka bıýrosynyń basshysy Nurbolat Aıdapkelov Úkimet otyrysynda sanaqqa bólingen qarajattyń qalaı jumsalyp jatqanyn baıandady, dep habarlaıdy Egemen.kz.
«Halyq sanaǵyn ótkizý kezinde búkil el boıynsha 32 313 adam ýaqytsha jumysqa ornalastyrylady. Onyń ishinde 6 myńnan astamy maýsym aıynda daıyndyq kezeńine tartylǵan. Negizgi halyq sanaǵyna 26 135 sanaq personaly jumysqa tartylady. О́ńirlerde ıntervıýerlerdi jumysqa arnaıy qurylǵan komıssııa alady. Jumysqa vaksınasııadan ótken azamattar alynady jáne olar jeke qorǵanysh quraldarymen jabdyqtalady», dedi bıýro basshysy.
Onyń aıtýynsha, 2018-2023 jyldarǵa arnalǵan ulttyq halyq sanaǵyn qarjylandyrýdyń qajetti kólemi 9,1 mlrd teńgeni qurady.
«Onyń jartysynan kóbi, ıaǵnı 4,07 mlrd teńge eńbekaqyǵa jumsalady. Qazirgi ýaqytta 3,5 mlrd teńge ıgerildi», dedi Nurbolat Aıdapkelov.