L.N.Gýmılev atyndaǵy Eýrazııa ulttyq ýnıversıtetiniń ǵalymdary Shyǵys Qazaqstan oblysynyń Abaı aýdanyna qarasty Toqtamys aýyly mańynan osydan 4 myń jyl burynǵy eskertkishterdi tapty. Qazba jumystaryn júrgizý kezinde topyraq astyndaǵy tas qabyrǵalardan jylqy men ańdardyń sýretteri shyqqan.
Otandyq ǵalymdar kóne qurylystyń ishinen tabylǵan adam men janýarlardyń súıekterin japondyq áriptesterimen birlese zertteı kele, eskertkish osydan 3 856 jyl buryn turǵyzylǵan dep otyr.
EUÝ arheologııa jáne etnologııa kafedrasynyń meńgerýshisi Ulan Úmitqalıev:
– Toqtamys aýylyndaǵy qazba jumystar jeti jyl buryn bastalǵan, sońǵy eki jyldan beri zerttelip keledi. Erte qola dáýirine tıesili bul eskertkishterdiń qurylysyna, bizdiń paıymdaýymyzsha, 10 myń tonna tas paıdalanylǵan, – deıdi.
«Egemen-aqparat»