Bul týraly qala ákimi Altaı Kólginov aıtty, dep habarlaıdy Egemen.kz.
«Bizde jylý berý maýsymy aýa raıyna baılanysty 7,5, tipti 8 aıǵa sozylady. Bul ekonomıkaǵa óte úlken júkteme. Prezıdent tapsyrmasyna sáıkes úshinshi Jylý elektr stanasynyń jumysyn jandandyrdyq. Keler jyly iske qosýǵa tıispiz. Ol 420 Gkal jylý beredi nemese 6,5 mln sharshy metr turǵyn úı men basqa da nysandardy jylýmen qamtamasyz etedi», dedi qala ákimi Nur-Sultan qalalyq máslıhatynyń kezekten tys sessııasynda.
Qala basshysynyń aıtýynsha, elordada jyl saıyn 3 mln baspana salynatyn bolady. Al mundaı jaǵdaıda atalǵan stansa qalany jylýmen tolyqtaı qamtamasyz ete almaıdy. Sondyqtan ótken jyly sheshim qabyldanyp, Úkimet maquldaǵan. Árbiri 360 Gkal bolatyn 2 jańa gaz qazandyǵynyń qurylysyna qarjy bólinedi.
«Kelesi jyldyń sońyna qaraı 1 100 Gkaldan astam jylý alýymyz kerek. Bul elordamyzdyń, ásirese jańa qurylys aýdandarynyń uzaqmerzimdi tynys-tirshiligin qamtamasyz etedi. Máselen, 2020 jyly tek Esil aýdanynyń turǵyndary 40 myń adamǵa ósti. Bul oblystardaǵy 2-3 aýdan turǵynymen teń», dedi Altaı Kólginov.