Almatyda muǵalimderdiń tamyz keńesi barysynda úzdik bilim berý uıymdary anyqtaldy, dep jazady Egemen.kz.
№140 Muqaǵalı Maqataev atyndaǵy daryndy balalarǵa arnalǵan mektep-gımnazııa «úzdik orta bilim berý mekemesi» bolyp tanylyp, ujym ákimniń 34 mıllıon teńge kóleminde grantyn jeńip aldy. Qarajat mekteptiń materıaldyq-tehnıkalyq jabdyqtalýyna baǵyttalady.
Qalalyq №34 gımnazııanyń komandasy «Úzdik mektep kitaphanasy» baıqaýynyń jeńimpazy atandy. Mektep dırektoryna eki mıllıon teńgeniń sertıfıkaty tabys etildi.
Jańa oqý jyly men Táýelsizdiktiń 30 jyldyǵyna oraı qala ákimi úzdik muǵalimder men uıymdardy saltanatty túrde marapattady. Birqatar muǵalimder «El aǵartý isiniń qurmetti qyzmetkeri», «Ybyraı Altynsarın» tós belgilerimen, qala ákiminiń «Eńbegi úshin» medalimen marapattaldy.