Egemen.kz sońǵy aptada Tótenshe jaǵdaı departamentterinen túsken órt týraly habarlamalarǵa sholý jasady.
Batys Qazaqstanda 480 ga jer órtenip jatyr
«Tamyz aıynyń basynan beri Batys Qazaqstan oblysynda aýa temperatýrasynyń +41°qa deıin joǵarylaýy baıqalady. Osyǵan baılanysty oblys aýmaǵynda órt jıilep ketti. О́rt sóndirýshiler Aqjaıyq, Báıterek jáne Terekti aýdandarynda tilsiz jaýmen arpalysýda. О́rttiń aýdany shamamen 480 ga quraıdy, onyń 90 ga orman alqaby bolsa, 390 ga qurǵaq shóp», - dep jazylǵan BQO Tótenshe jaǵdaılar departamentiniń habarlamasynda.
О́rtti sóndirýge oblystyq TJD bólimsheleriniń, «О́rt sóndirýshi» AQ, «Qazavıaqutqarý» AQ, kenttik okrýgter men sharýa qojalyqtarynyń erikti órt sóndirý qurylymdary jáne Ormandar men janýarlar dúnıesin qorǵaý jónindegi ınspeksııanyń kúshteri men quraldary qatysty.
О́rtti áýeden sóndirý úshin «Qazavıaqutqarý» tikushaǵy jumyldyryldy. О́rt oshaqtaryna 198 tekshe metr sý quıyldy.
Ázirge qaza bolǵandar men zardap shekkender joq. О́rttiń sebepteri, materıaldyq shyǵyn anyqtalyp jatyr.
22 tamyz kúni osy aımaqta 280 tonna pishen órtenip ketken edi.
Zerendide orman órti 7 ga aýmaqty sharpydy
Baspasóz qyzmetiniń málimetinshe, 25 tamyzda «Kókshetaý» MUTP Zerendi fılıalynyń Grıbnovskoe orman sharýashylyǵy aýmaǵynda orman órtengen, ony sóndirýge 154 adam men órt desanty bar tikushaq qatysqan.
Orman órtin joıýǵa 20 tehnıka, 1 tikushaq jáne jeke quramnyń 142 adamy, onyń ishinde Aqmola oblysy TJD-nyń 5 tehnıkasy jáne 51 adamy, 6 tehnıka jáne orman mekemeleriniń 54 qyzmetkeri, «Qazavıaormanqorǵaý» AQ-nyń 1 tikushaǵy, jergilikti atqarýshy organdardyń 7 tehnıkasy men 33 adamy jáne órtke qarsy qurylymdardyń 2 tehnıkasy men 4 qyzmetkeri tartyldy», delingen habarlamada.
«О́rtti sóndirý ońaıǵa soqpady, sebebi qatty jel men aǵashtardyń basy órtenýi kedergi keltirdi. Alaıda, jedel is-qımyldar jáne kúshter men quraldardyń ýaqtyly jumyldyrylýynyń arqasynda órt saǵat 18.50-de oqshaýlandy, qazirgi ýaqytta orman ishin barlaý júrgizilýde. Ormannyń 7 gektaryn órt sharpyǵan», delingen habarlamada.
Mamandar «órtep jiberdi» degen boljam jasap otyr. О́rt bolǵan jerde Zerendi aýdandyq polısııa bóliminiń jedel tergeý toby jumys isteıdi.
Shymkenttegi etnoaýyldan órt shyqty
«26 tamyzda túngi saǵat 00.49-da «101» basqarý pýltine Ál-Farabı aýdanyndaǵy Sapaq Datqa kóshesi boıynda ornalasqan «Shymqala» etnoaýyl aýmaǵynda órt shyqqany týraly habar kelip túsken.
Etnoaýylda qurylys jumystary júrgizilip jatqan. О́rt sóndirý bólimderi shaqyrtýǵa 7 mınýtta kelgen. Oqıǵa ornynda etonoaýyl aýmaǵynda ornalasqan kólemi 80 sharshy metr bastyrma jáne kólemi 8 sharshy metr qoranyń qamys tóbesi janǵandyǵyn anyqtady», delingen habarlamada.
О́rt saǵat 01:10-da oqshaýlanyp, saǵat 01:19-da tolyǵymen sóndirildi. Oqys oqıǵadan eshkim zardap shekpegen.
Qazir órttiń shyǵý sebepteri anyqtalyp jatyr. О́rtti sóndirýge Shymkent qalalyq TJD О́rt sóndirý qyzmetiniń 25 qyzmetkeri men 5 tehnıkasy jumyldyryldy.
Qaraǵandy oblysynda 3 myń gektar jer órtenip ketti
Qaraǵandy oblysyndaǵy Aqbastaý aýylynda jaıylymdyq jer, shabyndyq, shaýyp qoıǵan shóp órtenip ketti. Qyzyl jalynnan zardap shekken adamdar joq.
Stepnogorde kópqabatty úıden órt shyqty
Stepnogor qalalyq órt sóndirý bólimine 9-shy shaǵyn aýdandaǵy 46-úıde páterdiń órtengeni týraly habar túsken.
«О́rt altynshy qabattaǵy bir bólmeli páterden shyqty. О́rtten kórshi páterlerdiń esikteri zaqymdaldy, órt aýmaǵy 30 sharshy metrdi sharpydy», dep túsindirdi Stepnogor qalasynyń TJB bastyǵynyń mindetin atqarýshy Arman Shaıahmetov.
Avtosatynyń kómegimen bes adam qutqaryldy, baspaldaq marshy boıynsha 15 adam, onyń ishinde bir bala evakýasııalandy.
Taldyqorǵanda zaýyt órtenip, úsh adam zardap shekti
Taldyqorǵandaǵy avtomobıl shınalaryn óńdeý zaýytynda órt shyǵyp, sehtyń úsh qyzmetkeri zardap shekti. Eki adamnyń jaǵdaıy ortasha, bireýi aýyr. Olardyń barlyǵy Taldyqorǵandaǵy kópsalaly aýrýhanaǵa jetkizildi.
Oqıǵa ornyna oblystyq TJD-dan 24 qyzmetker men 9 tehnıka jiberildi.
«Jarylystyń boljamdy sebebi balqytý kezinde paıda bolǵan janǵysh zattardyń syıymdylyǵynyń jumys aımaǵynda bý jınalýynyń tehnologııalyq prosess buzylǵanynan bolýy múmkin», dep tolyqtyrdy baspasóz qyzmeti.
Jambyl oblysynda 37 tonna shóp órtenip ketti
Merki aýdany, Merki aýyly, Nızamı kóshesi 41 «A», jeke turǵyn úıdiń aýlasynda 1700 túk shóp órtenip, jalyn 70 sharshy metr aýmaqty sharpyǵan.
О́rtti sóndirýge 7 qyzmetker, 2 tehnıka jumyldyrylǵan. Jalpy, 37 tonna shóp órtenip ketken.
Shyǵys Qazaqstanda dala órti basylmaı tur
ShQO Tótenshe jaǵdaılar departamenti baspasóz qyzmetiniń málimetine súıensek, órt sóndirýshiler Kókpekti jáne Aıagóz aýdandarynda shópti sharpyǵan tilsiz jaýmen kúresip jatyr. Olarǵa jergilikti atqarýshy organ ókilderi men ormanshylar kómektesýde.
«Kókpekti aýdanyndaǵy «Klıýchı» ýchaskesinde qyzyl jalynnyń jalpy aýdany 45 gektardy, Aıagóz aýdanyndaǵy Qara Bojyr ýchaskesinde 25 gektardy jáne Úmbetaı ýchaskesinde 10 gektardy quraǵan. Oqıǵa ornynda barlyǵy 88 órt sóndirýshi, jergilikti atqarýshy organnyń 92 qyzmetkeri, 10 ormanshy jáne 27 tehnıka jumyldyrylǵan», dep habarlady vedomstvo ókilderi.
Jyl basynan beri oblysta 950 órt tirkelip, 582 jer úıdi jalyn sharpyǵan. Tilsiz jaýdan 33 adam mert bolyp, ıis tıgen 56 adam aýrýhanaǵa jetkizildi.
Kóp jaǵdaıda órttiń shyǵýyna – otty abaısyz qoldaný (249 oqıǵa), pesh paıdalaný kezinde qaýipsizdik talaptaryn saqtamaý (160), elektr jabdyqtaryn montajdaý jáne paıdalaný erejelerin buzý (81) sebep bolǵan.
Sonymen qatar Semeıde shóp tasyǵan júk kóliginiń órtenip ketkeni týraly derek tirkeldi.
Almaty taýlarynyń baýraıynda otshashýdan órt shyqty
Almaty qalasy Tótenshe jaǵdaılar departamentiniń habarlaýynsha, 21 tamyz kúni Almarasan shatqalynda ekoposttan joǵary taý baýraıynda órt shyqty.
«Oqıǵa ornyna dereý Almaty TJD tabıǵı órtterdi sóndirý jónindegi jıyntyq jasaq, sondaı-aq Ile-Alataý ulttyq parkiniń MUTP qyzmetkerleri jiberildi. О́rttiń taralýyna jol bermeý úshin Ile-Alataý MUTP ormanshylary tez arada janyp jatqan óli aǵashtardy qazyp aldy», dep habarlady vedomstvodan.
О́rt bir saǵattan az ýaqyt ishinde joıyldy. Jalyndy alaýyzdyqtaýǵa Ile-Alataý ulttyq parkiniń MUTP 24 qyzmetkeri, 4 birlik tehnıka, TJD jeke quramynyń 25 adamy men 5 birlik tehnıka jumyldyryldy.
Kýágerlerdiń aıtýynsha, órttiń aldyn-ala sebebi oqıǵa ornynan tez joǵalyp ketken demalýshylar tobynyń otshashý shashqany bolýy múmkin.
«О́rt shyqqan jerden birneshe shaqyrym jerde otshashýdyń shashylǵany baıqaldy. QR ÁQBtK-niń 367-babynyń 3-bóligine sáıkes, erekshe qorǵalatyn tabıǵı aýmaqtarda jasalǵan órt qaýipsizdigi talaptaryn buzǵany úshin 35 jastaǵy er adam 100 AEK (291 myń 700 teńge) kóleminde aıyppul túrinde ákimshilik jaýapkershilikke tartyldy», dep túsindirdi qalalyq TJD-de.
Sondaı-aq, Almatyda, Tarazda kópqabatty turǵyn úı, Qapshaǵaıda qaraýsyz qalǵan úıden, Atyraýda da turǵyn úıden, Jambyl oblysynda QMDB fılıalynan órt shyqty.