Týrgenev kóshesindegi úıde turatyn 6 jasar qyz úıden shyǵyp ketip, qaıta oralmaǵan. Dereý polısııa qyzmetkerleri men «Zello Poisk» eriktileri joǵalyp ketken qyzdy izdestirý boıynsha is-sharalardy bastaǵan dep habarlaıdy Egemen.kz.
Birneshe saǵattan keıin patrýldik polısııa qyzmetkerleri joǵalǵan qyzdy tapty, ol «IýRTA PARK» otbasylyq demalys saıabaǵynda bolǵan. Belgili bolǵandaı, kúndiz qyz ata-anasynyń joqtyǵyn paıdalanyp, úıden shyǵyp, avtobýspen saıabaqqa jetip, kúni boıy sonda bolǵan.
Tabylǵan bala ata-anasyna tapsyryldy. Aqtóbe oblysynyń Polısııa departamenti ata-analardan bala tárbıesine jaýapkershilikpen qaraýdy, balalarmen profılaktıkalyq áńgimeler júrgizýdi jáne óz balalarynyń ornalasqan jerin baqylaýdy suraıdy.