Almaty qalalyq Tótenshe jaǵdaılar departamentiniń habarlaýynsha, órt sóndirýshiler órtti jaqyn mańdaǵy «Kompas» janarmaı quıý stansııasyna jetkizbeı oqshaýlaǵan, dep habarlaıdy Egemen.kz.
«26 tamyz kúni keshki saǵat 20:50 mınýtta «101» pýltine kýágerlerden Medeý aýdanyndaǵy Tóle bı kóshesi men Shyǵys aınalma jolynda dala órtenip jatqany týraly habar túse bastady. Oqıǵa ornyna TJD kúshteri men quraldary jumyldyryldy», dep habarlady departament.
О́rttiń kesirinen 1000 sharshy metrden astam qýraǵan shóp pen aǵash janyp ketken. Qurǵaq ósimdikterdiń bıiktigi keı jerlerde 1,5 metrden asqan.
«О́rtti sóndirý betkeılerdegi bıiktikterdiń kúrt ózgerýimen kúrdelene tústi, qabyldanǵan sharalardyń arqasynda ot 40 mınýt ishinde oqshaýlanyp, 21:41-de joıyldy. О́rtti sóndirýge tabıǵı órtterdi sóndirý boıynsha TJD jasaǵy, sondaı-aq quramynda 30 adam, 6 birlik tehnıka jumyldyryldy. О́rt qaýpiniń joǵary bolýyna baılanysty qala turǵyndary men qonaqtaryn ashyq otty paıdalanýdan, ot jaǵýdan, temeki shegýden jáne qurǵaq shóp pen orylǵan shópti órteýden bas tartýdy suraımyz! Kináli adamdar ákimshilik, al aýyr zardaptar týyndaǵan jaǵdaıda qylmystyq jaýapqa tartylady», delingen habarlamada.