Táýelsizdiktiń 30 jyldyǵyna oraı «Egemen Qazaqstan» RG» AQ uıymdastyrǵan «Atameken» ekspedısııasy bastaldy, dep habarlaıdy Egemen.kz.
Ekspedısııanyń negizgi maqsaty - óńirlerdiń tarıhı-mádenı jáne týrıstik áleýetin tanytý.
Basylym qyzmetkerleri Qazaqstannyń barlyq oblystaryn aralap, ondaǵan kıeli jáne týrıstik nysandardy aralaıdy.
«Egemen Qazaqstan» RG» AQ Basqarma tóraǵasynyń birinshi orynbasary Vladımır Kýrıatov bastaǵan delegasııa Aqmola oblysyna baryp, Kókshetaýda oblys ákiminiń orynbasary Aına Músirálimovamen kezdesý ótkizedi. Sondaı-aq, jýrnalıster «Naýan Haziret» kesenesine barady.
Ekspedısııa qatysýshylary Shýche-Býrabaı kýrorttyq aımaǵynda ashyq aspan astyndaǵy «Botaı - Býrabaı» murajaıyna, «Abylaı han» sáýlet-memorıaldyq keshenine, mýltımedııalyq ınteraktıvti keshenine baryp, «AQBURA Resort» jańa týrıstik nysanymen tanysady. Sapar Kenesary úńgiri men basqa da jerlerde jalǵasyn tabady.