Soltústik Qazaqstan oblysynda jańa oqý jyly qarsańynda óńirdiń memlekettik bas sanıtar dárigeriniń jańa qaýlysy shyqty, dep habarlaıdy Egemen.kz.
25 tamyzda QR Bas memlekettik sanıtarııalyq dárigeri «2021-2022 oqý jylynda bilim berý uıymdarynda koronavırýs ınfeksııasynyń aldyn alý boıynsha sanıtarııalyq-epıdemııaǵa qarsy jáne sanıtarııalyq-profılaktıkalyq is-sharalardy júrgizý týraly» № 36 qaýlyǵa qol qoıdy, sonyń negizinde búgin óńirdiń memlekettik bas sanıtar dárigeriniń jańa qaýlysy shyqty.
Qaýly boıynsha: 1) 2021-2022 oqý jylynda barlyq menshik nysanyndaǵy jáne vedomstvolyq baǵynystaǵy bilim berý uıymdarynda shtattyq formatta oqytýǵa ruqsat etildi, bul mynadaı jaǵdaılarda mektepke deıingi mekemelerge de qatysty:
- pedagogter men personaldyń 100 % vaksınasııasy (turaqty medısınalyq qarsy kórsetilimderi bar, saýyqqannan keıin 3 aı ishinde COVID-19 aýyryp jazylǵan adamdardy qospaǵanda);
- uıymǵa kirý kezinde Ashyq qosymshasyn engizý (pedagogtardy, personaldy, ata-analardy (zańdy ókilderdi), 18 jáne odan joǵary jasta oqıtyn kelýshilerdi QR-kod boıynsha tirkeý;
- maska rejımin saqtaý; - sanıtaızer, antıseptık, dezınfeksııalaýshy jáne jýǵysh zattardyń jetkilikti sanyn qamtamasyz etý;
- úı-jaılardy tazalaý men dezınfeksııalaý jıiligin arttyrý;
- úı-jaılardy dymqyl tazalaý men dezınfeksııalaý, úı-jaıdaǵy aýany jeldetý jáne dezınfeksııalaý rejımine qoıylatyn talaptardy saqtaý;
- muǵalimderge, qyzmetkerlerge jáne oqýshylarǵa arnalǵan kúndelikti «kiris» súzgisi (baılanyssyz termometrııa);
- buqaralyq is-sharalardy ótkizýge tyıym salý (mádenı, tártiptik, synyptan tys jáne ata -analar jınalysy jáne t.b.);
- mektepke deıingi jáne orta bilim berý uıymdarynda toptar men synyptardy biriktirý arqyly is -sharalar ótkizýge tyıym salý;
- zerthanalyq, praktıkalyq sabaqtardy qospaǵanda, kabınettik oqytý júıesin boldyrmaý;
2) ashanalarda aýa resırkýlıatorlary qondyrǵylaryn paıdalana otyryp, tamaqtanýdy uıymdastyrýǵa baqylaýdy kúsheıtý;
3) COVID-19-ǵa qarsy vaksınasııalanǵan stýdentterdiń jataqhanalarǵa ornalasýyna (18 jasqa tolmaǵan stýdentterdi, sondaı-aq turaqty medısınalyq qarsy kórsetkishteri bar jáne sońǵy 3 aı ishinde COVID-19-ben aýyrǵan stýdentterdi ornalastyrýǵa) ruqsat etiledi, bóten adamdardyń kirýine tyıym salynady;
Sonymen qatar karantındi engizýdiń dıfferensıaldy tásili usynylady:
- synypta (topta) COVID -19-dy juqtyrýdyń 1 jaǵdaıy tirkelgen kezde - synyp (top) 14 kún boıy úı karantınine oqshaýlanady;
- bir aýysymdaǵy synyptardyń 30 %-dan astamynda COVID -19-ben aýyrý tirkelgen jaǵdaıda, orta bilim berý uıymynyń osy aýysymy 14 kúnge úı karantınine oqshaýlanady, bul kolledjder men joǵary oqý oryndarynyń toptaryna da qatysty.