Sońǵy málemetter boıynsha Jambyl oblysy, Baızaq aýdanynda ornalasqan áskerı bólimdegi jarylys saldarynan barlyǵy 9 adam ajal qushty, onyń ishinde QR TJM, áskerı bólimniń, áskerılendirilgen kúzet pen áskerı prokýratýra qyzmetkerleri bar, dep habarlaıdy Egemen.kz.
Qaza bolǵandardyń jeke basy anyqtalyp jatyr. Tabylmaı jatqan 4 adam týraly derekter izdestirilýde. Bul týraly TJM janyndaǵy jedel shtab málimdedi.
Aldyn ala aqparat boıynsha aýrýhanaǵa TJD 49 qyzmetkeri túsken.О́rt bolǵan orynda KShM bazasynda órt sóndirý shtaby quryldy, Jambyl oblysy TJD-de jedel shtab jumys isteıdi.
Tótenshe jaǵdaıdy joıýǵa barlyǵy jumyldyryldy:
TJM - 153 qyzmetker, 46 birlik tehnıka; DP - 400 qyzmetker, 54 birlik tehnıka; №28349 á/b - 8 qyzmetker, 2 birlik tehnıka; №5513 á/b - 273 áskerı qyzmetshi, 12 birlik tehnıka; Uao.gvardııa - 520 adam jáne 250 adam rezervte.