Qasym-Jomart Toqaev Jambyl oblysynda bolǵan tótenshe oqıǵa saldarynan qaza tapqan azamattardyń otbasylaryna kóńil aıtyp, zardap shekken adamdardyń tezirek saýyǵyp ketýine tilektestik bildirgenin habarlaıdy Egemen.kz akorda.kz-ke silteme jasap.
«Keshe Jambyl oblysynyń Baızaq aýdanynda tótenshe oqıǵa boldy. Qarýly Kúshterimizdiń oq-dárisi saqtalatyn qoımanyń birinen órt shyqty. Artynan birneshe jarylys boldy. Jergilikti turǵyndar aman-esen. О́kinishke qaraı, áskerı qyzmetshiler men qutqarýshylar arasynda adam shyǵyny bar. Olar qyzmettik mindetin atqarý barysynda erlikpen qaza tapty. Qaıtys bolǵan azamattardyń otbasylaryna qaıǵylaryna ortaqtasyp, kóńil aıtamyn. Jaraqat alǵan adamdardyń tezirek saýyǵyp ketýin tileımin», dedi Memleket basshysy.