Bul – janýarlar men adamdar úshin asa qaýipti juqpaly aýrý, dep jazady Egemen.kz SQO sanıtarııalyq-epıdemıologııalyq baqylaý departamentiniń resmı saıtyna silteme jasap.
Qara maldan kúıdirgi aýrýyn juqtyrǵan Aqjar aýdanyna qarasty Gorkovskoe aýylynyń turǵyny aýrýhanaǵa jatqyzyldy.
Sibir jarasynyń oshaǵy tirkelgen Aqjar aýdanyndaǵy Gorkovskoe eldi mekeninde karantındik sharalar qolǵa alyndy. Syrqatpen qarym-qatynas jasaǵan 57 adam dárigerler baqylaýynda. Olar eki apta boıy kún saıyn klınıkalyq tekserýden ótedi. Naýqastyń qaýipti dertti qara maldan juqtyrǵany belgili boldy.
«Aqjar aýdany Gorkıı aýylynyń turǵyny medısınalyq mekemege qolynyń ushy isip, terisi sarǵaıyp, úldilep qalǵanyna shaǵymdanǵan. Naýqastyń aıtýynsha, bul belgiler túnde baıqala bastaǵan. Ol aýrýhanaǵa jatqyzyldy. PTR ádisimen zertteý kezinde kúıdirgi aýrýynyń qozdyrǵshynyń DNK-sy anyqtalǵan. Aýrý oshaǵynda baılanysta bolǵan turǵyndar anyqtaldy. Aýrýdyń aldyn-alý maqsatynda olarǵa shuǵyl túrde antıbıotıkter taǵaıyndaldy. Aýrý oshaǵy zalalsyzdandyryldy. Jeke sharýashylyqtardyń birinde qara mal soıý kezinde naýqastyń qolynda eshqandaı da qorǵanysh quraly bolmaǵany anyqtaldy. Sol kezde juqtyryp alǵan. Bul aýrý adamdar úshin de mal úshin de asa qaýipti», deıdi SQO sanıtarııalyq-epıdemıologııalyq baqylaý departamenti basshysynyń orynbasary Arman Kúshbasov.
Monıtorıng sheńberinde SQO boıynsha Ulttyq saraptama ortalyǵy fılıalynyń mamandary zerthanalyq zertteý úshin mal soıylǵan ornynda 5 núktede topyraqtyń 8 synamasyn, sýdyń 1 synamasyn, janýar ustalǵan qorshaýdan 1 synamasyn iriktep aldy. Materıal saraptamaǵa jiberildi, ázirge nátıjesi belgisiz.