Kúnine 1,5 myń almatylyqtan indet anyqtalady

Indet oshaqtary

«25 maýsymnan beri epıdemııalyq ahýal «delta» shtamyna baılanysty shıelenisip tur. Tórtinshi tolqynnyń sharyqtaý shegi 12 tamyzǵa týra keldi, al epıdemııanyń órshýi 29 shildeden qazirgi deıin jalǵasyp keledi jáne kúnine shamamen 1,5-1,6 myń jaǵdaı tirkeledi», dedi ol.

Almatyda shilde aıynyń birinshi aptasynda – 2 843, ekinshi aptada – 5 324, úshinshi aptada – 6 397, tórtinshi aptada 9 852 jaǵdaı tirkeldi. Tamyzdyń birinshi aptasynda Almatyda 10 728 adam ınfeksııa juqtyrsa, ekinshi aptada KVI juqtyrǵandar sany 10 529-ǵa jetip, úshinshi aptada 10 786 adamnan indet tabyldy. J.Bekshın 18-19 tamyzda PTR nátıjeleri nelikten birden sharyqtaǵanyn túsindirdi. Onyń pikirinshe, bul jurttyń demalystan keıin jumysqa shyǵýyna oraı profılaktıkalyq sharalardy qatańdatýǵa baılanysty bolǵan. Sımptomsyz KVI túrleri tamyzdyń 13-17 kúnderi 5,5%-dan 18 tamyzda 6%-ǵa jáne 19 tamyzda 7,5%-ǵa deıin ósken. Sonymen qatar R sany (ınfeksııalardyń berilý ındeksi) aıdyń basyndaǵy 1,2-den 25 tamyzda 1,03-ke deıin tómendedi, bul epıdemııalyq tolqynnyń resessııasynyń bastalýyn bildiredi.

«Osy kórsetkishterdi eskere otyryp, epıdemııanyń órshýi tamyz aıynyń sońyna deıin tirkelgen 11 myń jaǵdaıǵa sáıkes, ıaǵnı pessımıstik boljam boıynsha júrip jatyr. Indettiń báseńsýi qyrkúıek aıynyń ekinshi jartysyna, bir aı ishinde 10 myń jaǵdaıǵa deıin aýysady» degen boljamyn alǵa tartyp otyr bas sanıtar.

Jyl basynan beri qalada 118 082 adam indetke shaldyǵyp úlgerdi. Sondyqtan qala­lyq densaýlyq saqtaý júıesi kúsheı­til­gen rejimde jumys isteýde. Koro­navı­rýs juq­tyrý burynǵydaı, 20-39 jas ara­lyǵyn­daǵy azamattarda joǵary – 33,5%, 40-59 jas­taǵylar arasynda – 25,2% jáne 60 jas­tan asqandar arasynda – 23,1%, qalǵan 18%-y – balalar jáne jasóspirimderdiń úlesinde.

Sondaı-aq J.Bekshın buqaralyq is-sharalardy ótkizýge tyıym salynǵanyna qaramastan, karantın tártibin belden basý azaımaǵanyn aıtady. Almatynyń keıbir turǵyndary bas memlekettik sanıtarlyq dárigerdiń qaýlysy talaptaryn elemeı, toı, qudalyq, mereıtoılyq merekeler uıymdastyrýdy toqtatar emes.

Búginde juqtyrýdyń negizgi bes orny bar, olar: saýda oryndary – 32%, otbasylyq baılanys – 16%, qoǵamdyq kólikter – 17,1%, bazarlar – 13%. Jurtshylyq azyq-túlik bazarlarynda jıi juqtyrady – 9%. Sonymen qatar qazirgi shekteýli sharalar men ujymdyq ımmýnıtetiniń artýyna oraı derttiń 2-3%-ǵa tómendegeni baıqalady.

SEBD basshysy qala turǵyndary vırýs­tyń taralý tizbegin qurýdy jalǵastyra otyryp, qala mańyndaǵy aýdandarda jáne jalǵa alynǵan kottedjderde otbasylyq merekeler ótkizetinin naqty mysaldarmen málimdedi. Sońǵy derekterge sáıkes indet juqtyrý 20-39 jasqa deıingiler ara­synda 34% paıyzǵa deıin jetti. Qysqasy, epıdemııalyq jaǵdaıdy turaqtandyryp, bilim berý uıymdarynda jańa oqý jylyn qalypty rejimde uıymdastyrý úshin qoldanystaǵy shekteý sharalary 31 tamyzǵa deıin uzartyldy.

 «Delta» shtamy salǵan aýyrtpalyqtar

Bul kúnderi qala aýrýhanalarynda ­6 myńnan astam naýqas jatsa, onyń ishinde 169 bala bar. Tek 25 tamyzda Almatyda 1 590 jaǵdaı tirkelse, onyń 1 515-i sımp­tomdy tasymaldaýshylar. 6 021 adam aýrýhanada, 476 adam jansaqtaý bóliminde emdelip jatyr. Dál osyndaı jaǵdaıda Almatynyń dárigerleriniń ıyǵyna túsken aýyrtpalyq eki esege artqanyn qaperden shyǵarmaý kerek.

«Jedel járdem kóliginiń júktemesi sharyqtap tur, táýligine 1600-ge jýyq jaǵdaı tirkelip, aýrýhanaǵa kún saıyn 700-750 naýqas qabyldanady. Táýligine 3000-3500 deıin qońyraý shalynady», deıdi Qoǵamdyq densaýlyq basqarmasy bas­shysynyń orynbasary Svetlana Sultanǵazıeva.

Ol 12 868 naýqastyń MASK pen Tele­­medısına ortalyǵynyń mobıldi top­tarynyń baqylaýynda ekenin aıtty.

Búginde megapolıste júzdegen dáriger koronavırýspen kúresip jatsa, olardyń birqatary vaksınalaý ortalyqtarynda jumys isteıdi. Myńnan astam dáriger ekpe salý isimen aınalysyp jatyr.

ALMATY