Egemendik negizi - Ata zań, el eńsesi - Elorda

Bul Qazaqstan halqy úshin respýblıka damýynyń jańa belesteriniń bastalýyna esik ashqan tarıhı mańyzdy qadam boldy. Qazaqstan Respýblıkasynyń Ata Zańy eldiń júıeli túrde qarqyndy damýyna yqpal etti. Konstıtýsııamyzdyń alǵashqy paraǵy «Biz, ortaq tarıhı taǵdyr biriktirgen Qazaqstan halqy, baıyrǵy qazaq jerinde memlekettilik qura otyryp, ózimizdi erkindik, teńdik jáne tatýlyq murattaryna berilgen beıbitshil azamattyq qoǵam dep uǵyna otyryp, dúnıejúzilik qoǵamdastyqta laıyqty oryn alýdy tileı otyryp, qazirgi jáne bolashaq urpaqtar aldyndaǵy joǵary jaýapkershiligimizdi sezine otyryp, ózimizdiń egemendik quqyǵymyzdy negizge ala otyryp osy Konstıtýsııany qabyldaımyz» degen salmaqty sózdermen bastalady. Qazaqstan egemendiktiń alǵashqy kúnderinen  ishki yntymaǵy men birligin nyǵaıtyp, halyqtyń ál-aýqatyn ósirip, halyqaralyq deńgeıde tanymal bola bastady.

Táýelsiz Qazaqstan Respýblıkasynyń eń mańyzdy bastamalarynda, onyń ishine Álemdik jáne dástúrli dinder lıderleriniń sezin shaqyrý da kiredi, búkil álemdik qoǵamdastyq moıyndaǵan álemdik dinder men órkenıetaralyq únqatysýdy júrgizý men nasıhattaýda Otanymyzdyń astanasy – Nur-Sultan qalasynyń salmaqty róli bar. Konstıtýsııanyń Jalpy erejeler kórsetilgen alǵashqy bólimde   «Respýblıkanyń ákimshilik-aýmaqtyq qurylysy, onyń elordasynyń mártebesi zańmen belgilenedi. Qazaqstannyń elordasy Nur-Sultan qalasy bolyp tabylady» dep jazylǵan.

Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaev zamanaýı álemdik qoǵamdastyq elimizdiń astanasy arqyly 100-den astam etnos pen 18 konfessııanyń ókili birlik pen kelisimde ómir súretin Qazaq memleketin qolaıly ınvestısııalyq ahýaly, joǵary ınfraqurylymdyq damýy, áleýmettik-ekonomıkalyq salasyndaǵy tańǵajaıyp nátıjeleri bar el retinde baǵalaıtynyn udaıy atap ótedi.

1999 jyly jas táýelsiz memlekettiń astanasy IýNESKO-nyń joǵary nagradasy – «Beıbitshilik qalasy» ıegeri atanyp, ǵalamshardyń ártúrli aımaǵynan kelgen álemniń onnan astam qalasynan ozyp, alǵashqy halyqaralyq jeńisti jeńip alǵandyǵy erekshe nazar aýdartady.

Shynynda da, ózin-ózi qurmetteıtin árbir ult úshin memleket astanasy eldiń taǵdyryna baılanysty saıası sheshimder, baǵdarlamalar men strategııalar qabyldanatyn ortalyq retinde qabyldanatyny tarıhtan belgili.

Bıyl Qazaqstan astanasy – Nur-Sultan qalasy 23 jyldyǵyn atap ótti. Qazaqstandyqtar arasynda Astana jaıly onyń elimizdiń injý-marjany, el rýhynyń shoǵyry, ult birliginiń sımvoly, Tuńǵysh Prezıdent – Elbasy Nursultan Nazarbaev belsendiliginiń tarıhı saltanat qurǵan jeri jáne HHI ǵasyr memleketiniń vızıttik kartasy degen ortaq oı-pikir qalyptasqan.

Halyqaralyq sammıtter, kezdesýler, kongrester, forýmdar sekildi birqatar joǵary deńgeıdegi is-sharalarǵa qanyqqan Nur-Sultandaǵy saıası qaıta qurýlar belgili ekonomıster men saıasattanýshylardyń «HHI ǵasyrda álemdik ortalyq birtindep Azııaǵa qaraı jyljı bastady» degen boljamynyń rastyǵyn dáleldep, ony senimdi túrde aıtýǵa múmkindik beredi. Nur-Sultan jáne burynǵy Astana da, saıası kóshbasshylar men álemdik jáne dástúrli dinderdiń joǵary dárejeli kóshbasshylarynyń ońtaıly qabyldaýy osy boljamnyń shyǵýyna ózderiniń tabysty kúsh-jigerlerin sarqa jumsady.

Qazaqstan Respýblıkasy óziniń Táýelsizdiginiń 30 jyldyǵy qarsańynda álemniń saıası jáne ekonomıkalyq kartasynda keńinen tanylǵan, qatesiz anyqtalyp, álemde moıyndalǵan, abyroıy bıik jáne jan-jaqty qalyptasqan memleket retinde aıqyndalady. Álemdik geosaıası alaýyzdyqtyń osyndaı qıyn sátterinde ol barlyq álemdik saıası jáne ekonomıkalyq ortalyqtarmen, negizgi júıeli oıynshylarymen dostyq jáne ózara paıdaly qarym-qatynas ornata bilýmen qatar osy is-áreketteri arqyly álemdik saıasatta «orta ólshemdi memleket» (middle sized state) atalǵan eldiń jańa jahandyq kún tártibin quryp, buryn bitimsiz bolyp kóringen qarsylastar men tipti antagonısterdi  de kelissózder ústeline otyrǵyza alatynyn kórsete bildi.

1991 jyly jańa astana bizdiń jas memleketimizdiń barlyq salalaryna jan-jaqty kýmýlıatıvti serpin berip, qazirgi sózben aıtqanda sınergetıkalyq áser etetindigin elestetý múmkin bolmady.

Biraq bolashaqty boljaı bilý qasıeti tek basshylarǵa óz halqyn naqty jetistikterge jeteleý úshin beriletini belgili. Sonymen, Elbasy 1994 jyly 6 shildede qabyldanǵan Aqmola qalasynyń jańa mártebesin bekitý týraly Joǵarǵy Keńestiń tarıhı sheshiminiń bastamasyn kóterip, keıinirek ony máńgilik etti.

Qalanyń keń aýmaǵy, jaǵymdy geografııalyq orny, onyń ishinde eldiń negizgi ekonomıkalyq ortalyqtaryna jaqyndyq, ishki kóshi-qon ortalyǵy, joǵary demografııalyq áleýet, jaqsy damyǵan kólik ınfraqurylymy jáne salystyrmaly túrdegi qolaıly orta – osyndaı barlyq saıası, ekonomıkalyq jáne mádenı faktorlardy Nursultan Nazarbaev jańa astanany tańdaý kezinde muqııat eskerdi.

Táýelsizdik jyldarynda qazaqstandyq astananyń ataýy birneshe ret ózgerdi – Aqmola qalasynan Astanaǵa deıin, keıinirek astananyń negizin qalaýshy jáne bas sáýletshisi – Nursultan Nazarbaevtyń atyna ózgerdi. 2019 jylǵy 23 naýryzdaǵy Qazaqstan Respýblıkasy Prezıdentiniń Jarlyǵymen Astana qalasy Qazaqstan Respýblıkasynyń astanasy – Nur-Sultan qalasy dep ózgergertildi. Elorda atynyń ózgerýine oraı, Qazaqstan Respýblıkasynyń Konstıtýsııasyna túzetý engizilgen bolatyn.

Qasym-Jomart Toqaev QR Konstıtýsııasynyń 25 jyldyǵyna arnalǵan halyqaralyq konferensııada sóılegen sózinde «Konstıtýsııanyń mazmuny ýaqyt talabyna sáıkes jetilip, jańartylyp otyrady, bul zańdy qubylys. Búginde búkil álemniń keskin-kelbeti ózgerip jatyr. Osyndaı kezeńde Qazaqstan da kóshten qalmaı, qarqyndy damýda. Sondyqtan qalyptasqan jańa ahýalǵa saı Ata zańnyń mátinine qosymsha quqyqtyq tetikter men normalar engizilip otyrady» degen bolatyn.

Eýrazııanyń qaq ortasynda ornalasqan elimizdiń bas qalasy - táýelsizdiktiń jemisi, beıbitshilik pen kelisimniń altyn besigi. 

Tarıh turǵysynan múmkin álemdegi eń jas astana bola tura Nur-Sultan qalasy birneshe jyl ishinde halyqaralyq saıası jáne dıplomatııalyq ortalyqtardyń joǵary bedeline ıe bolǵan qalalar qataryna kóterile aldy.

Eger álemniń zamanaýı kartasyna úńiletin bolsaq, biz daýlardy sheshýdiń jalpyǵa tanymal platformasy retinde qyzmet etetin birneshe qalany ǵana kóremiz. Olardyń arasynda, ádette, shveısarııalyq Jeneva, fındik Helsınkı jáne norvegııalyq Oslony ataý dástúrge aınalǵan.

Sonda tabıǵı suraq týyndaıdy – nege janjaldasýshy taraptar men halyqaralyq uıymdar dál osy qalalardy artyq kóredi? Qysqasha aıtqanda, másele olardyń yńǵaılylyǵy nemese beıtarap mártebesinde ǵana emes, sonymen birge, mundaı forýmdardy ótkizetin «qojaıyn» elge degen senim deńgeıi jáne onyń izgilikti gýmanıstik mıssııasyn qurmetteýden de turady. Sonymen, Qazaqstannyń astanasy osyndaı «álemdik tartymdy núkteler» qatarynda tez ári sátti oryn alǵandyǵy aıqyn boldy.

Sońǵy kezderge deıin eń kúrdeli memleketaralyq daýlardy sheshýdiń basymdylyǵy dástúrli túrde Eýropaǵa tıesili bolǵandyǵy belgili, óıtkeni onyń sheńberinde atysty toqtatý jáne qoǵamdar men memleketterdiń ózara beıbit  ómir súrýi týraly taǵdyrly kelisimderge qol jetkizilgen bolatyn.

Álemniń saıası kartasynda paıda bolyp, Eýrazııanyń dál geografııalyq ortalyǵynda ornalasqan Nur-Sultan qalasy osy aıtylmaǵan monopolııany da túbegeıli ózgertti. Osy onjyldyqtar ishinde elimizdiń basty qalasy Azııadaǵy ózara is-qımyl jáne senim sharalary keńesi, TMD, UQShU, Eýrazııalyq ekonomıkalyq odaq, ShYU, EQYU jáne IYU sammıtteri, Irannyń ıadrolyq baǵdarlamasynyń kelisimderi, EKSPO, Sırııa máselesin retteý jáne basqalary boıynsha kelissózder ótkizilgen oryn bolǵandyǵyn atap ótý jetkilikti.

Jalpy alǵanda, Qazaqstanǵa jáne onyń álemdik beıbitshilikti nyǵaıtýǵa qosqan úlesine qatysty «Birinshi» degen sózdi jıi qoldanýǵa bolady. Bul jerde TMD keńistiginde birinshi bolyp kórshilerimen shekarasyn tolyǵymen rettep, zańdy túrde bekitken bizdiń el dep aıta alamyz.

Bizdiń el EQYU sammıtin birinshi bolyp ótkizý qurmetine ıe bolyp qana emes, sonymen birge osy bedeldi halyqaralyq uıymnyń uzaq merzimdi daǵdarysty eńserýine kómektesti. EKSPO kórmesi alǵash ret osynda ótti.

Aqyrynda, bizdiń elimiz TMD elderi arasynda birinshi bolyp (Reseıden basqa) ǵalamshardaǵy beıbitshilik pen qaýipsizdikke jaýap beretin negizgi qurylym – BUU Qaýipsizdik Keńesiniń múshesi bolyp saılandy. Osyndaı mysaldar tizimin jalǵastyra berýge bolady.

Sırııadaǵy jaǵdaıdy retteý jónindegi kelissózder otandyq dıplomatııanyń áserli jetistigi bolyp sanalady.

Birinshiden, Jenevadaǵy uqsas formattar tyǵyryqqa tirelgende kezdesý faktisiniń ózi mańyzdy boldy. Taraptardy bir ústelge jınaýdyń ózi árdaıym másele ekenin eskersek, bir-birine qarsy soǵysqandardy mámilege keltirip kelissózder ústeline otyrǵyzýdy kózge elestetý óte qıynǵa soǵady.

Ekinshiden, Nur-Sultandaǵy kezdesý zorlyq-zombylyqty toqtatý men gýmanıtarlyq operasııalardy ótkizýdiń negizin saldy.

Úshinshiden, Sırııanyń basym bóliginde deeskalasııa jáne deradıkaldandyrý aımaqtary qalyptasty.

Qazaqstannyń qaqtyǵystardy retteýmen qatar deldaldyq áreketteri de jetekshi álemdik derjavalar men buqaralyq aqparat quraldarynyń nazarynan tys qalmady.

Búginde kóptegen sarapshylar tarapynan qazirgi zamannyń eń názik máseleleri boıynsha ǵalamdyq dıalog alańy retinde dál osy Nur-Sultannyń usynylatyny kezdeısoq emes. Olarǵa Ýkraına boıynsha Normandııa formatyn Mınskiden Nur-Sultanǵa aýystyrý, Reseı men AQSh prezıdentteri arasynda bitimgershilik kezdesý ótkizý, sondaı-aq Soltústik Koreıanyń ıadrolyq baǵdarlamasy boıynsha kelissózder ótkizý ıdeıalary jáne basqalary jatady.

Qazaqstannyń jáne onyń astanasynyń órleı túsken róli dinder, mádenıetter men órkenıetter dıalogyn damytý jáne ilgeriletýmen belgilenedi.

Taǵy da, eger siz janjaldy jaǵdaılardyń geografııasyn qarar bolsańyz, onda olar kóbinese din sekildi názik jáne sezimtal máselemen baılanysty bolady. Kelispeýshilikterdiń túp-tamyry nanym-senimderde  emes, olardy radıkaldandyrý men saıasattandyrý áreketterinde jatyr degen ustanymǵa túsinistikpen qaraı otyra Qazaqstan 2000-shy jyldardyń basynda dinder men konfessııaaralyq dıalogty damytý jáne órkenıetaralyq qatynastardy nyǵaıtý ıdeıasyn usyndy.

Ádilettiligin aıtar bolsaq, bastapqyda bul bastama álemde keń qoldaý tappaǵanyn moıyndaý qajet. Oǵan álemdik elıtalardyń tez aradaǵy mindetterden bas tartyp, uzaq merzimdi kategorııalarda oılaýǵa qabiletsiz ekendigi úlken áser etti. Al, keıbir ózge jaǵdaılarda álemdik bastamalarmen shyǵý tek uly derjavalarǵa tán qasıet degen belgili stereotıpter de oryn aldy.

Alaıda, dálelderge sendire bilý jáne Tuńǵysh Prezıdent Nursultan Nazarbaevtyń jeke álemdik bedeli kúmándikti ysyryp, Álemdik jáne dástúrli dinder lıderleriniń dıalogyn damytý ıdeıasyn praktıkalyq arnaǵa aınaldyrýǵa múmkindik berdi.

Qazaqstannyń Tuńǵysh Prezıdenti Nursultan Nazarbaev atap ótkendeı, «... barlyq álemdik dinder qazaq jerinen ótti, sondyqtan tózimsizdik nemese dinı fanatızm bizge jat. Bul rýhanı dástúr, kez-kelgen jaǵdaıda Qudaı sózine degen ashyqtyq – bul Qazaqstandaǵy konfessııaaralyq kelisimniń mańyzdy negizderiniń biri. Biz álemge tózimdilikpen, etnosaralyq, konfessııaaralyq kelisimmen jáne dıalogpen tanymalmyz».

2003-2018 jyldary ótken Álemdik jáne dástúrli dinder lıderleriniń alty seziniń shaqyrylymdary rýhanı kóshbasshylar tek ǵıbadat pen ýaǵyzdarmen shektelip qana qoımaı, ózderiniń bedeli arqasynda adamzattyń eń kúrdeli máselelerin sheshýge belsene qatysa alatyndyǵyn aıqyn kórsetti.

Osynyń eń mańyzdylyǵy men  qundylyǵy – Qazaqstannyń Tuńǵysh Prezıdentiniń Sezdi shaqyrý týraly bastamasy halyqaralyq ómirdiń faktoryna aınaldy. Onyń jańalyǵy tek alǵa qoıylǵan maqsattardyń ózektiliginde ǵana emes, sonymen birge álemniń taǵdyrly máselelerin sheshý tek dástúrli saıasatkerlerdiń quzyrynda emestigi boldy. Mysaly, eger saılanǵan memleket basshylary tek bir eldiń halqyn basqarsa, onda álemdik jáne dástúrli dinder kóshbasshylary shekaralarǵa qaramastan, ártúrli memleketterde,  kontınentterde turatyn 100-den astam tilde sóılegen mıllıardtaǵan adamdar men olardyń armandaryn basqarady, jáne olardyń rýhanı jany men tilekteriniń kiltin biledi.

Sondyqtan álemdik praktıkada buryn-sońdy bolmaǵan Astananyń dinaralyq sammıtiniń bastamashysy bolǵan Elbasy kóptegen onjyldyqtar alda bolatyn jaǵdaıdy boljaı bildi. Álemniń mańyzdy zamanaýı geosaıası máselelerin talqylap, jahandyq kún tártibiniń jańa qyrlary men kópkonfessııalyq dıalogtyń baǵyttaryn aıqyndaı otyra álemdik jáne dástúrli dinder kóshbasshylary áserli Jalpy ishki ónimi men orasan zor armııasy bar memleketterdiń álemdik saıasatkerleri taba almaǵan problemalar men máselelerdiń sheshimderin astananyń Beıbitshilik jáne kelisim saraıynyń dástúrli dóńgelek ústelinde osylaısha sabyrly, dostyq jáne tózimdilik jaǵdaıynda sheshýge bolatyny men qajettiginiń jarqyn mysaldaryn  kórsetýde.

Qazaqstan men Elbasynyń arqasynda ártúrli konfessııalardyń kóshbasshylary qıyn jaǵdaılardan shyǵý joldaryn ózara birlesip talqylaýǵa jáne pysyqtaýǵa múmkindik aldy. Beıbit úndeýdiń musylman jáne hrıstıan áleminde, sonymen birge basqa konfessııalar tarapynan da senimge ıe bolǵan elden shyqqandyǵy sózsiz óziniń rólin atqardy. Qazaqstannyń qosymsha artyqshylyǵy retinde onyń búkil álem moıyndaǵan jáne oǵan «Nazarbaev fenomeni» degen saıası anyqtama bergen qazaqstandyq qoǵam men ondaǵy ultaralyq jáne konfessııaaralyq kelisimdi qamtamasyz etýdegi sátti tájirıbesin atap ótken jón.

Sonymen, Qazaqstannyń jańa astanasynyń tarıhı jolyna taǵy bir sholý jasaı otyryp, onyń saıasat pen ekonomıka, mádenıet pen ǵylymdaǵy jetistiktermen tolyqty dep aıtýǵa bolady. Munyń bári, asyra siltemeı aıtar bolsaq, búkil memleket damýyna orasan yqpal etti.

Alaıda, biz kórip otyrǵanymyzdaı, Nur-Sultannyń basynan bastap ózi úshin belgilegen damýdyń joǵary shegi tek eldiń sheńberimen, tipti aımaqtyń sheńberimen ǵana shektelmegen.

Bizdiń elordamyz jáne onymen birge Qazaqstan Respýblıkasy birtindep halyqaralyq qatynastardyń belsendi sýbektisi retinde orasan zor saıası mańyzǵa ıe bolýda jáne onyń osy alýan túrli qatynastarda ózindik «daýysy» bar. Tıisinshe, shırek ǵasyr buryn ǵana kópshilik úshin tym órshil bolyp kóringen mindetter dáıekti túrde júzege asyrylýda. «Myqty elder ǵana óz aldyna úlken maqsat qoıa alady» degen belgili danalyqqa súıensek, osylaı bolýy da kerek shyǵar.

Tabysty memleket retinde barlyq krıterııler boıynsha qurylǵan qazirgi Qazaqstan, árıne, talantty, rýhanı jetilgen jáne óte eńbekqor halyqtyń janqııarlyq eńbeginiń nátıjesi bolyp tabylady.

Qazaqstandy aımaqtyq kóshbasshydan álemdik lıderge aınaldyrýdyń jaýapkershiligin moınyna artqan HHI ǵasyrdyń jarqyn passıonary Nursultan Nazarbaevtyń bastamasymen qurylǵan Astana búgingi kúni qoǵam men memlekettiń barlyq salalarynda, onyń ishinde saıasat, ǵylym, sport, mádenıet, mýzyka jáne basqalarynda jas passıonarlardy  qalyptastyrý men tárbıeleýde óziniń úlken úlesin qosýda. Únemi jańashyldyqqa umtylý, kreatıvti shyǵarmashylyq, perfeksıonızmge degen turaqty umtylys – munyń bári astanadan aımaqtarǵa jáne sol jerde turatyn adamdarǵa berilýde.

Sonymen, HHI ǵasyrdy kóptegen sarapshylar «Azııanyń ǵasyry» dep tanıdy degen sózder negizsiz emes, al Qazaqstan jáne onyń astanasy Nur-Sultan da álemdik passıonarlyq ortalyqtardyń birine aınalýda. О́ıtkeni, astananyń negizin qalaýshy jáne Sezdiń basty avtory aıtqandaı: «Dushpandyqqa úılesim, tózimdilik jáne rýhanılyqpen qarsy tursaq jáne biz ózara senim men yntymaqtastyqty negiz qylyp alsaq sheshilmeıtin másele bolmaıdy. Muny jete túsiný adamǵa úmit uıalatady jáne bolashaqqa degen senimdi nyǵaıtady».

N.Nazarbaevtyń konfessııaaralyq jáne órkenıetaralyq dıalogty damytý ortalyǵynyń qyzmetine keler bolsaq, men onyń qundylyq paradıgmasy – biregeı álemdik órkenıetaralyq, dinaralyq jáne konfessııaaralyq dıalogty uıymdastyrýǵa arnalǵan alańdy qurýǵa bastamashy bolǵan Qazaqstannyń damýymen birge órleý, damý ústinde ekenin atap ótkim keledi.

Álemdik jáne dástúrli dinder lıderleri seziniń negizin qalaýshy Nursultan Nazarbaevtyń ıdeıalarynan bastap qazirgi prezıdent Qasym-Jomart Toqaevtyń stratagemasyna deıingi sabaqtastyqtyń osyndaı qundylyq paradıgmasy «estıtin memlekettiń» tujyrymdamasy bolyp tabylady.

2019 jyldyń 2 qyrkúıeginde Memleket basshysy Qazaqstan halqyna «Syndarly qoǵamdyq dıalog – Qazaqstandaǵy turaqtylyq pen órkendeýdiń negizi» atty Joldaýyn jarııalap, onda azamattardyń syndarly ótinishteriniń barlyǵyna jedel ári tıimdi jaýap berý úshin osy tujyrymdamany iske asyrý mindetin qoıdy.

Qazaqstan Respýblıkasynyń Prezıdenti Qasym-Jomart Toqaev aıtqan jańa ımperatıv shyn máninde tıimdi memlekettilikti damytýdyń formýlasy bolyp tabylady, sonymen qatar ol syrtqy saıası basymdyqtar, mádenıet, onyń ishinde órkenıetter, dinder jáne konfessııaaralyq dıalogqa áserli yqpaly zor.

Qazaqstanda júzege asyrylyp jatqan «estıtin memleket» tujyrymdamasynda Álemdik jáne dástúrli dinder lıderleri seziniń jáne onyń ınstıtýttarynyń kún tártibimen de-ıýre jáne de-fakto jobalanyp, iske asyrylǵan mańyzdy ıdeıalar, kózqarastar bar, mysal retinde, osy tujyrymdamanyń ózegi bolyp tabylatyn «ártúrli pikirler - birtutas ult» degen ıdeıany alsa bolady.

Shyn máninde, Sezdiń rýhanı murattary bolyp tabylatyn «Ár túrli dinder, ártúrli etnıkalyq toptar – bir toleranttyq álem» dúnıetanymy Toqaevtyń tujyrymdamasymen ózara tikeleı baılanysta. Bul tańqalarlyq emes, óıtkeni bul tujyrymdamanyń negizi eldiń Tuńǵysh Prezıdentiniń ishki jáne syrtqy saıasatynyń basym baǵyttarynan bastaý alady.

N.Nazarbaevtyń konfessııaaralyq jáne órkenıetaralyq dıalogty damytý ortalyǵynyń jumysy elimizdiń jalpy «jumsaq jáne aqyldy» (soft and smart power) kúsh-qýatty ilgeriletý saıasatyn júrgizý jáne konfessııaaralyq, etnosaralyq jáne keńinen alsaq órkenıetaralyq dıalogty memleket retinde úlgili túrde iske asyryp jatqan Qazaqstan Respýblıkasynyń ımıdjin nyǵaıtý maqsattarymen úndes keledi.

2019 jyly qurylǵannan keıingi osy eki qysqa tarıhı ýaqyt ishinde N.Nazarbaev ortalyǵy adamı kapıtaldy shoǵyrlandyrý men tartý ortalyǵy, jastar jáne shyǵarmashylyq zertteý kúshteriniń ortalyǵy retinde Qazaqstannyń jáne onyń astanasy Nur-Sultannyń ımıdjin nyǵaıtýǵa óz úlesin qosý jolynda eldegi jáne álemdegi tanymal ǵylymı-zertteý ortalyqtarynyń birine aınaldy.

Qazirgi kezde Qazaqstannyń astanasy – qalyptasqan memlekettiń iri saıası jáne ákimshilik ortalyǵy, eldiń negizgi damý jelileriniń qıylysynda ornalasqan eń mańyzdy jáne taǵdyrsheshti syrtqy saıası sheshimder qabyldaý ortalyǵy ǵana emes, sonymen qatar, tabysty sıfrlandyrý jáne ınnovasııalyq jáne bıznes-prosesterdiń jáne eń bastysy – adamı kapıtaldy qarqyndy damytý, tózimdilik pen kelisimniń jarqyn mysaly bolyp tabylady.

Ata zańymyz egemendigimiz ben eldigimizdiń máńgilik tuǵyry bolyp, Elordamyzdyń eńsesi árdaıym bıikteı bersin!

Bolat SÁRSENBAEV,

«Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵy» KEAQ Basqarma Tóraǵasy