2021 jyly Almaty qalasynda halyqtyń osal toptaryn áleýmettik qoldaýǵa 30 mıllıardtan astam teńge bólindi, onyń 14 mıllıard teńgesi jumsaldy, dep jazady Egemen.kz Almaty qalalyq Áleýmettik ál-aýqat basqarmasynyń resmı saıtyna silteme jasap.
Bul týraly Almaty qalalyq Áleýmettik ál-aýqat basqarmasynyń basshysy Nazıra Toǵyzbaeva onlaın brıfıngte aıtty.
N. Toǵyzbaevanyń aıtýynsha, jyl basynan beri 132 myń almatylyq áleýmettik qoldaý alǵan. Kómek «Eńbek» memlekettik baǵdarlamasy aıasynda kórsetilgen. Atalǵan qoldaýǵa az qamtylǵan azamattar, múgedekter ıe bolǵan.
Sonymen qatar ol «Eńbek» baǵdarlamasy aıasynda jyl sońyna deıin 13,8 mlrd bólingenin, bul qarajat 24 myńnan astam adamǵa kómektesýge jetkilikti ekenin málimdedi.
«Osy jyldyń 7 aıynda Jumyspen qamtý ortalyǵyna 27 myń adam júgingen. 19 700 adam jumyspen qamtýdy qamtamasyz etý boıynsha belsendi sharalarǵa tartyldy, 17 900 adam jumysqa ornalastyryldy. Turaqty jumyspen qamtylǵandardyń ishinde megapolıstiń 8 700 turǵyny bar, taǵy 9 200 adam ýaqytsha jumyspen qamtyldy, 1 100 adam qazir áleýmettik jumys oryndarynda jumys isteıdi, 1 500 úmitker jastar praktıkasy arqyly jańa jumysqa joldandy. Bilim berý uıymdarynyń taǵy 800 túlegin jumysqa ornalastyrý josparlanýda. 6 600 adam qoǵamdyq jumystarǵa jiberildi», dedi basqarma basshysy.