Bul týraly QR ındýstrııa jáne ınfraqurylymdyq damý mınıstri Beıbit Atamqulov Úkimet otyrysynda aıtty, dep jazady Egemen.kz.
Mınıstrdiń aıtýynsha, mınıstrlik jobalaýdyń bastapqy kezeńinde boljamdy qunyn esepteý úshin «Onlaın-Kalkýlıator» júıesin iske qosty.
Statıstıka derekteri negizinde smetalyq baǵalardy qalyptastyrý úshin «KDS-Stat» aqparattyq júıesi engizildi.
Jobalyq sheshimderdi kóp márte qoldaný jáne birkelki qabyldaý úshin «Jobalyq smetalyq qujattamanyń biryńǵaı elektrondyq banki» quryldy.
«Memlekettik qarajat esebinen salynatyn áleýmettik obektilerde 1 sharshy metr qurylystyń shekti qunyn belgileý usynylady», dedi B. Atamqulov.