Qazaqstanda memlekettik qyzmetke ornalasý úshin qazaq tilin bilý mindetti bolýy múmkin. Memlekettik qyzmet isteri agenttigi osyndaı bastama kóterdi, dep habarlaıdy Egemen.kz.
Bul týraly «Ashyq NQA» portalynda «Qazaqstan Respýblıkasynyń keıbir zańnamalyq aktilerine Memlekettik qyzmet máseleleri boıynsha ózgerister men tolyqtyrýlar engizý týraly» QR zańynyń jobasy boıynsha Retteýshilik saıasattyń konsýltatıvtik qujatynda jarııalanǵan.
«Memlekettik organdarda qazaq tiliniń qoldanysyn keńeıtý maqsatynda memlekettik qyzmetke kirý úshin memlekettik til bilimine shek qoıýǵa bolady dep oılaımyz», delingen qujatta.
Sondaı-aq vedomstvo ókilderi memlekettik qyzmettiń jumys júıesi qoǵamdyq qatynastar prosesterimen baılanysty ekenin atap ótti.
«Qoǵamdaǵy qazaq-orys bılıngvızminiń damý serpini de memlekettik qyzmetshilerge qoıylatyn talaptarǵa áser etetini sózsiz», delingen agenttik qujatynda.