Memleket basshysy Qasym-Jomart Toqaevtyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýy onlaın-formatta keńinen talqylandy, dep habarlaıdy Egemen.kz.
Onlaın-konferensııaǵa respýblıkalyq jastar uıymdarynyń, óńirlik jastar resýrstyq ortalyqtarynyń, ǵylymı-zertteý ınstıtýttarynyń, «Nazarbaev Ýnıversıtetiniń» ókilderi, sondaı-aq sarapshylar, jas saıasattanýshylar, áleýmettanýshylar, tarıhshylar men ekonomıster qatysty.
QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi Maqsutbek Aıtmaǵanbet, «Qazaqstannyń teń quqyqtary men teń múmkindikteri ınstıtýty» qoǵamdyq qorynyń prezıdenti Margarıta О́skembaeva Memleket basshysynyń otbasy ınstıtýtyn, áıelderdiń genderlik teńdigin jáne ekonomıkalyq jáne saıası ustanymdaryn nyǵaıtý jónindegi bastamalaryn atap ótip, 2030 jylǵa deıingi otbasylyq jáne genderlik saıasat tujyrymdamasyn ózektendirý jumysyna qatysýǵa nıet bildirdi.
Pikirtalas barysynda jastar uıymdarynyń basshylary áleýmettik osal otbasylardan shyqqan balalardy, daryndy jastar men jas ǵalymdardy qoldaý memlekettiń áleýmettik saıasatynyń qosalqy, mańyzdy jáne júıeli quramdas bóligi bolady degen pikir bildirdi.